BIG NEWS / હવેથી OTT પ્લેટફોર્મ પર દેખાશે તમાકુ સંબંધિત વોર્નિંગ, રૂલ્સ ફૉલો ન કરનાર વિરૂદ્ધ લેવાશે સખ્ત એક્શન

• World No Tobacco Dayના દિવસે આરોગ્ય મંત્રાલયનો મોટો આદેશ 
• OTT પ્લેટફોર્મ પર તમાકુ વિરોધી ચેતવણીઓ માટે નવા નિયમોની સૂચના જાહેર 
• OTT પ્લેટફોર્મ માટે સામગ્રીમાં તમાકુ વિરોધી ચેતવણી સંદેશા દર્શાવવાનું ફરજિયાત 
• ઓનલાઈન કન્ટેન્ટ પબ્લિશર નવા નિયમોનું પાલન કરવામાં નિષ્ફળ જશે તો થશે કાર્યવાહી કરશે

આજે World No Tobacco Dayના દિવસે કેન્દ્રીય આરોગ્ય મંત્રાલયે એક મોટો આદેશ આપ્યો છે. કેન્દ્રીય આરોગ્ય મંત્રાલયે OTT પ્લેટફોર્મ પર તમાકુ વિરોધી ચેતવણીઓ માટે નવા નિયમોની સૂચના જાહેર કરી છે. વાત જાણે એમ છે કે, નોટિફિકેશનમાં OTT પ્લેટફોર્મ માટે સામગ્રીમાં તમાકુ વિરોધી ચેતવણી સંદેશા દર્શાવવાનું ફરજિયાત બનાવ્યું છે. કહેવામાં આવ્યું છે કે, જો ઓનલાઈન કન્ટેન્ટ પબ્લિશર નવા નિયમોનું પાલન કરવામાં નિષ્ફળ જશે તો કેન્દ્રીય સ્વાસ્થ્ય મંત્રાલય અને માહિતી અને પ્રસારણ મંત્રાલય કડક કાર્યવાહી કરશે.

World No Tobacco Day પર આરોગ્ય મંત્રાલયે આ સૂચના જાહેર કરી છે. આ પછી નેટફ્લિક્સ, એમેઝોન પ્રાઇમ, હોટસ્ટાર અને સોની લિવ જેવા તમામ OTT પ્લેટફોર્મ માટે સામગ્રી સાથે તમાકુ વિરોધી ચેતવણીઓ દર્શાવવી ફરજિયાત રહેશે. સિનેમા હોલ અને ટેલિવિઝન ચેનલોમાં ફિલ્મ અને ટેલિવિઝન કાર્યક્રમની શરૂઆતમાં અને મધ્યમાં ઓછામાં ઓછી 30 સેકન્ડની અવધિની તમાકુ વિરોધી સ્વાસ્થ્ય ચેતવણી પ્રદર્શિત કરવી પહેલેથી જ ફરજિયાત છે.

India becomes a global leader by regulating anti-tobacco warnings on OTT Platforms

Read @ANI Story | https://t.co/06FAOjBl4y#India #OTTplatforms #tobacco #Government pic.twitter.com/iytyLX6JUz

— ANI Digital (@ani_digital) May 31, 2023

30 સેકન્ડ બતાવવી પડશે ચેતવણી
નવા નિયમ મુજબ તમાકુ ઉત્પાદનો અથવા તેનો ઉપયોગ દર્શાવતી ઓનલાઈન સામગ્રીના પ્રકાશક પાસે તમાકુ વિરોધી સ્વાસ્થ્ય જાગૃતિ માટે કાર્યક્રમની શરૂઆતમાં અને મધ્યમાં ઓછામાં ઓછી ત્રીસ સેકન્ડની જગ્યા હોવી જોઈએ. OTT પ્લેટફોર્મ તમાકુ ઉત્પાદનોના પ્રદર્શન અથવા પ્રોગ્રામમાં તેમના ઉપયોગના સમયગાળા દરમિયાન સ્ક્રીનના તળિયે એક અગ્રણી સ્થિર સંદેશ તરીકે તમાકુ વિરોધી સ્વાસ્થ્ય ચેતવણી પણ પ્રદર્શિત કરશે.