હેલ્થ કેર / થાઈરોઈડ દરમ્યાન ભૂલથી પણ શરીરમાં દેખાય આ સંકેત, તો સાવધાન! હોઇ શકે છે કેન્સરના લક્ષણ

• મોટાભાગના લોકોને થાઇરોઇડ થાય છે
• થાઈરોઈડ કેન્સરના અલગ અલગ પ્રકાર હોય છે
• થાઇરોઇડ કેન્સરનું સૌથી સામાન્ય લક્ષણ ગળામાં સોજો છે

મોટાભાગના લોકોને થાઇરોઇડ થાય છે. આ બિમારીથી કેન્સર થતું નથી, પરંતુ 5 ટકા કેસમાં આ બિમારી કેન્સરમાં ફેરવાઈ જાય છે. જેને થાઈરોઈડ કેન્સર કહેવામાં આવે છે. થાઈરોઈડ કેન્સરના અલગ અલગ પ્રકાર હોય છે. થાઇરોઇડ પેપિલરી કાર્સિનોમા સૌથી સામાન્ય કેન્સર છે. ઉપરાંત થાઇરોઇડ કેન્સરના અન્ય પ્રકારોમાં ફોલિક્યુલર કાર્સિનોમા, મેડ્યુલરી કાર્સિનોમા, એનાપ્લાસ્ટિક કાર્સિનોમા, લિમ્ફોમા શામેલ છે. 

થાઇરોઇડ કેન્સરના લક્ષણો
થાઇરોઇડ કેન્સરનું સૌથી સામાન્ય લક્ષણ ગળામાં સોજો છે. જો ગરદન પર પહેલેથી જ મસો અથવા ગઠ્ઠો દેખાય છે, તો તેમાં જ સોજો આવી જાય છે. ઉપરાંત દર્દીને વજનમાં અચાનક વધારો થાય છે, ભૂખ ઓછી લાગે છે, પરસેવો ઓછો થવો અને વધુ ઠંડી લાગવી જેવા લક્ષણો જોવા મળે છે, જે થાઈરોઈડ કેન્સરના લક્ષણ હોઈ શકે છે. કોઈ વ્યક્તિ ઘણા સમયથી થાઈરોઈડની બિમારીથી પીડિત હોય તો તે અચાનક કેન્સરમાં ફેરવાઈ શકે છે. થાઈરોઈડ કેન્સર થાય છે ત્યારે ખોરાક ગળવામાં તકલીફ થાય છે. શ્વાસ લેવામાં તકલીફ થાય છે. 

થાઇરોઇડ કેન્સરના કારણો
મોટાભાગના કિસ્સાઓમાં, બાળપણમાં કિરણોત્સર્ગના સંપર્કમાં વધુ આવવાને કારણે થાઈરોઈડ કેન્સર થાય છે. ફેમિલી હિસ્ટ્રી અને જિનેટિક મ્યુટેશનના કારણે પણ આ બિમારી થઈ શકે છે. 

થાઇરોઇડ કેન્સરનો ઈલાજ
થાઇરોઇડ કેન્સરનો ઈલાજ દર્દીની ઉંમર અને લિંગ પર આધાર રાખે છે. જો ગાંઠ બહુ મોટી ન હોય અને કંટ્રોલમાં હોય તો થાઇરોઇડ કેન્સરનો ઈલાજ થઈ શકે છે. સર્જરી દ્વારા આ ગાંઠ દૂર કરવામાં આવે છે. થાઇરોઇડ કેન્સરનો સમયસર ઈલાજ કરાવવાથી તે સંપૂર્ણરીતે મટી શકે છે. આ બિમારીનો સમયસર ઈલાજ કરવામાં ના આવે તો તેની સારવાર પણ થઈ શકતી નથી. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)