ધર્મ / વસંત પંચમીના દિવસે ભૂલથી પણ ન કરવા જોઈએ આ કામ, માં સરસ્વતી ગુસ્સે થઈ જશે

• માતા સરસ્વતીને કેસર અને રબડીનો ભોગ લગાવવો જોઈએ
• આ દિવસે અમુક કામ ન કરવા જોઈએ
• તમારે પીળા રંગના વસ્ત્રો ધારણ કરવા જોઈએ 

હિન્દુ ધર્મમાં દરેક પર્વ અને તહેવારનું વિશેષ મહત્વ છે. હાલ માઘ મહિનો ચાલી રહ્યો છે. આ મહિનામાં ઘણા વ્રત અને તહેવારો ઉજવવામાં આવે છે. હિન્દુ પંચાંગ પ્રમાણે માઘ મહિનાની શુક્લ પક્ષની પાંચમનાં દર વર્ષે વસંત પંચમી ઉજવવામાં આવે છે. આ વર્ષે વસંત પંચમી 14 ફેબ્રુઆરીનાં દિવસે ઉજવવામાં આવશે. ધાર્મિક માન્યતાઓ મુજબ આ દિવસે માતા સરસ્વતીની પૂજા કરવામાં આવે છે. આ દિવસને વસંત ઋતુની શરૂઆતનો દિવસ માનવામાં આવે છે. માતા સરસ્વતીની પૂજા કરવાથી જ્ઞાનમાં વૃદ્ધિ થાય છે. જાણો, આ દિવસે માતા સરસ્વતીને કઈ વસ્તુનો ભોગ લગાવવો જોઈએ, શું કરવું જોઈએ અને શું ન કરવું જોઈએ. 

તમારી પ્રિય વસ્તુનો ભોગ લગાવો 
વસંત પંચમીનાં દિવસે તમારી પ્રિય વસ્તુનો ભોગ લગાવવો જોઈએ. આ ખૂબ જ શુભ માનવામાં આવે છે. આ સાથે માતા સરસ્વતીને કેસર અને રબડીનો ભોગ લગાવવો જોઈએ. એવું માનવામાં આવે છે કે માતા સરસ્વતીને આ ખૂબ જ પ્રિય છે. તમે વસંત પંચમીનાં દિવસે કેસરવાળી ખીરનો પણ ભોગ લગાવી શકો છો. કેસર શુભ હોય છે અને ચોખા લક્ષ્મીનું પ્રતિક માનવામાં આવે છે. આ દિવસે તમે બેસનનાં લાડુનો પણ ભોગ લગાવી શકો છો. આવું કરવાથી તમને તમારી કારકિર્દીમાં સફળતા મળશે. 

વાંચવા જેવુ: ચાલી રહી છે પવિત્ર ગુપ્ત નવરાત્રી, 18 ફેબ્રુઆરી સુધી ભૂલથી પણ ના કરતાં આ 5 કામ

આ દિવસે અમુક કામ ન કરવા જોઈએ
માતા સરસ્વતીને વાણીની દેવી માનવામાં આવે છે. આ દિવસે ભૂલથી પણ ખરાબ વાણીનો ઉપયોગ ન કરવો જોઈએ. વસંત પંચમીનાં દિવસે માતા સરસ્વતીની પૂજા-અર્ચના કર્યા પછી બની શકે તો તમારે વ્રત રાખવું જોઈએ. આ દિવસે લસણ, ડુંગળી, દારૂ અને નોનવેજનું સેવન ન કરવું જોઈએ. આ દિવસે કોઈ પણ વ્યક્તિ સાથે વાત કરતાં સમયે ખોટું ન બોલવું જોઈએ. 

વસંત પંચમીનાં દિવસે શું કરવું જોઈએ 
વસંત પંચમીનાં દિવસે માતા સરસ્વતીની પૂજા કરવી જોઈએ. આ દિવસે વિદ્યાર્થીઓએ વિધિ વિધાન મુજબ માતા સરસ્વતીની પૂજા કરવી જોઈએ. માતા સરસ્વતીની આરતી કરવી જોઈએ. તેમને ભોગ લગાવવો જોઈએ. આ દિવસે તમારે પીળા રંગના વસ્ત્રો ધારણ કરવા જોઈએ. વસંત પંચમીનાં દિવસે ગરીબ બાળકોને બુક અને ભણવાની વસ્તુઓ દાનમાં આપવી જોઈએ.