- જંગલી ફળ ઘણા પોષક તત્વોથી ભરપૂર હોય
- અનેક પ્રકારના પોષક તત્વો તેમાં ભરપૂર માત્રામાં જોવા મળે
- જંગલી ફળ ડાયાબિટીસના દર્દીઓ માટે પણ ફાયદાકારક
નિષ્ણાંતોના જણાવ્યા અનુસાર જંગલી ફળ ઘણા પોષક તત્વોથી ભરપૂર ફળ છે. વિટામિન સી, પ્રોટીન, ચરબી, કાર્બોહાઇડ્રેટ, કેલ્શિયમ, પોટેશિયમ, ફોસ્ફરસ, આયર્ન, થાઇમીન, રિબોફ્લેવિન જેવા અનેક પ્રકારના પોષક તત્વો તેમાં ભરપૂર માત્રામાં જોવા મળે છે. તેમાં વિટામીન સીનું પ્રમાણ ખૂબ વધારે હોવાથી તે રોગપ્રતિકારક શક્તિ વધારે છે. રોગપ્રતિકારક શક્તિમાં વધારો કરીને તમે ઘણા પ્રકારના રોગો અને ચેપથી સુરક્ષિત રહી શકો છો. વિટામિન સી શરીરમાં એક ઉત્તમ એન્ટીઑકિસડન્ટ તરીકે કામ કરે છે, જે ઘણા પ્રકારના હાનિકારક મુક્ત રેડિકલ સામે લડવાની શરીરની ક્ષમતાને વધારે છે.
ડાયાબિટીસના દર્દીઓ માટે પણ ફાયદાકારક
જંગલી ફળ ડાયાબિટીસના દર્દીઓ માટે પણ ફાયદાકારક છે. તે શુગર લેવલને કંટ્રોલ કરી શકે છે. તેમાં ઘણા પ્રકારના એન્ટીઓક્સીડેન્ટ પણ હોય છે, જે શરીરને ફાયદો કરે છે. જંગલ જલેબીના ફળમાંથી બનાવેલા જ્યુસનું સેવન પણ ફાયદાકારક સાબિત થઈ શકે છે. તેના પાંદડામાં ડાયાબિટીક વિરોધી ગુણ હોય છે. તેના અર્કનું સેવન ડાયાબિટીસમાં ફાયદાકારક સાબિત થઈ શકે છે.
પાચનતંત્ર સુધારે છે
આયુર્વેદાચાર્યના મતે જંગલી જલેબી પેટના સ્વાસ્થ્યને પણ સ્વસ્થ રાખે છે. તેના નિયમિત સેવનથી પાચન શક્તિ મજબૂત બને છે. તેનાથી કબજિયાત, ગેસ અને પેટ સંબંધિત ઘણી બીમારીઓથી પણ બચી શકાય છે.
વધુ વાંચો : શું તમને પણ જમ્યા પછી કે સૂતાં પહેલા છાતીમાં થાય છે જલન? રાહત માટે અપનાવો આ 5 ટિપ્સ
હૃદયને સ્વસ્થ રાખે છે
જંગલી જલેબી શરીરમાં ખરાબ કોલેસ્ટ્રોલને વધતા અટકાવે છે અને સારા કોલેસ્ટ્રોલને પ્રોત્સાહન આપે છે. આનાથી તમે હાર્ટ એટેક, સ્ટ્રોક વગેરે જેવા હૃદય સંબંધિત રોગોથી સુરક્ષિત રહી શકો છો. તેમાં પોટેશિયમ પણ ભરપૂર હોય છે, તેથી આ ફળ હૃદયના દર્દીઓ માટે ફાયદાકારક સાબિત થઈ શકે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
