વિમેન્સ પાવર / આને કે'વાય મહિલા સશક્તિકરણનો પાવર! સોનગઢના માંડળમાં ગુજરાતણોએ જે કરી બતાવ્યું તે જાણીને થશે 'ગર્વ'

• સશક્તિકરણનું પાવર હાઉસ માંડળ ગામ
• આદિવાસી મહિલા બેંકમાં કરોડોની થાપણ 
• મહિલાથી, મહિલા વડે, મહિલા દ્વારા વહીવટ 

 મહિલાઓના સ્વાવલંબન  માટે કેન્દ્ર અને રાજ્ય સરકાર કેટ-કેટલીય યોજનાઓ થકી અભિયાન ચલાવે છે . ત્યારે દક્ષીણ ગુજરાતના સોનગઢ પંથકમાં આદિવાસી મહિલાઓ એ સહકારી બેંક સ્થાપી બેન્કને કરોડોની થાપણ થી ચલાવે છે. મહિલાઓ થકી ચાલતી આ બેંક મહિલાઓ માટે બચતનું મોટું માધ્યમ બની છે. 

નારી. જન્મ આપનારી જનેતા પણ છે.  અને સમાજને માર્ગદર્શન આપતી એક શક્તિ પણ છે. બસ સમય સાથે તેની કિંમત અને સન્માન થવું જોઈએ.. ગુજરાતના એક ગામની આવી જ મહિલાઓ વિશે આજે વાત કરવી છે.  જેમણે 1999માં પોતીકી સહકારી બેન્કની સ્થાપના કરી હતી. જે આજે જિલ્લામાં કરોડપતિ બેંકોમાં સ્થાન ધરાવે છે. અને આ બેંક મહિલાઓ માટે બચતનું સૌથી મોટું માધ્યમ બની છે.. ત્યારે કેવી છે મહિલાઓની પહેલથી શરૂ થયેલી મહિલા સંચાલીત બેંક 

આજના સમયમાં મહિલાઓ પુરુષોની સમોવડી બનીને દરેક ક્ષેત્રમાં આગળ વધી રહી છે. ત્યારે આવી જ સફળતાની મિસાલ છે. સોનગઢ તાલુકાના માંડળ ગામની આદિવાસી મહિલાઓ. જેમણે 1999માં એક સહકારી બેંન્કની સ્થાપના કરી હતી.  જે બેંક આજે એક આદર્શ બેંકની સાથે-સાથે કરોડપતિ બેન્ક બની ગઈ છે.  એટલું જ નહીં બેંકનું ભંડોળ પણ દિવસેને દિવસે વધી કરોડો રૂપિયા થઈ ગયું છે.. ખાસ વાત અહીં એ છે કે, આ બેંકના ખાતેદારોથી લઈને તેના કર્તાહર્તા અને સ્ટાફ પણ મહિલાઓ જ છે. 
મહિલાઓ દ્વારા સંચાલિત આ સહકારી બેંક અંગે વાત કરવામાં આવે તો  આ બેંક તેમના ખાતેદારોને સારું વ્યાજ આપવાની સાથે જરૂરિયાત સમયે લોન આપી પગભર કરવા માટે મદદરૂપ થઇ રહી છે.. સાથે જ આ બેંકની મહિલા સભાસદોને બાળકોના શિક્ષણ માટે પણ લોન આપવામાં આવે છે.  ગામની મહિલાઓ દ્વારા શરૂ કરવામાં આવેલી આ સહકારી બેંક દ્વારા આદિવાસી મહિલાઓ પોતાની બચત બેંકમાં જમા કરતી થઈ છે.. અને બચતના રૂપિયાથી મહિલાઓ આગળ પ્રગતિ પણ કરી રહી છે.  આજની તારીખે આ સહકારી બેંકમાં 35 ગામની 3470 મહિલાઓ સભાસદ છે..અને બેંક પાસે 4 કરોડથી વધુંનું ભંડોળ છે. 

બેંકની બિલ્ડીંગ પર હંગાતી લખેલ છે, જેનો અર્થ સહેલી પણ થાય છે, જે ખરેખર છેલ્લા 21 વર્ષથી તેમના સભ્યોની ખરી સહેલી સાબિત થઈ રહી છે. સંપૂર્ણ આદિવાસી મહિલાઓ સંચાલિત અને આદિવાસી મહિલા સભાસદો ધરાવતી આ સહકારી બેન્ક તેની વિશ્વસનીયતાને કારણે જિલ્લાની કરોડપતિ બેન્ક બની છે.  જેનો ગર્વ તેના દરેક સભ્યોને છે..