IPL 2023 / IPL ઈતિહાસની આ છે 3 સૌથી મોંઘી ઓવર, એક ઓવરમાં આ બોલરે લૂંટાવ્યા હતા 37 રન

• IPL ઈતિહાસની 3 સૌથી મોંઘી ઓવર કઈ છે?
• સુરેશ રૈનાએ બોલર પરવિન્દર અવાનાની એક ઓવરમાં 33 રન ફટકાર્યા
• રવિન્દ્ર જાડેજાએ બોલર હર્ષલ પટેલની એક ઓવરમાં 37 રન બનાવ્યા 

IPL Most Expensive Over: દર વર્ષે IPLમાં ઘણી હાઈ સ્કોરિંગ મેચ જોવા મળે છે અને આ સિઝનમાં પણ અમે એક ઇનિંગ્સમાં 200થી વધુ રન બનાવતા જોયા છે. આ સાથે જ આટલા મોટા સ્કોરનો પીછો કરતા જોયા છે. એવામાં આ લીગમાં દર વર્ષે અનેક તબતોડ ઇનિંગ્સ જોવા મળે છે અને ચાહકોને આ ઇનિંગ્સ ઘણી પસંદ આવે છે પણ બોલર માટે બોલિંગ કરવી ખૂબ મુશ્કેલ બની જાય છે. એવામાં આજે અમે તમને એવી 3 ઓવર વિશે જણાવવા જઈ રહ્યા છીએ જેમાં બેટ્સમેનોએ ઘણા રન બનાવ્યા અને એ IPL ઈતિહાસની 3 સૌથી મોંઘી ઓવર પણ છે.

પરવિન્દર અવાના (વર્ષ-2014)
જણાવી દઈએ કે 2014 IPLમાં સુરેશ રૈનાએ પંજાબના બોલર પરવિન્દર અવાનાની એક ઓવરમાં 33 રન ફટકાર્યા હતા. જણાવી દઈએ કે આઈપીએલના ઈતિહાસમાં આ ત્રીજી સૌથી મોંઘી ઓવર છે. આ 2014ના ક્વોલિફાયર 2માં ચેન્નાઈનો મુકાબલો કિંગ્સ ઈલેવન પંજાબ સાથે થયો હતો જેમાં ચેન્નાઈને હારનો સામનો કરવો પડ્યો હતો. આ મેચમાં રૈનાએ પોતાની ધમાકેદાર ઈનિંગ્સથી બધાના દિલ જીતી લીધા હતા અને ઇનિંગની છઠ્ઠી ઓવરમાં પરવિન્દર અવાના બોલિંગ માટે આવ્યો અને સુરેશ રૈનાએ તેની ઓવરમાં કુલ 33 રન બનાવ્યા. આ ઓવરમાં રૈનાએ 5 ફોર અને 2 સિક્સર ફટકારી હતી. 

હર્ષલ પટેલ (વર્ષ-2021)
બીજી મોંઘી ઓવરની વાત કરીએ તો IPL 2021માં ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર સામે રમાયેલી મેચમાં રવિન્દ્ર જાડેજાએ એક ઓવરમાં 37 રન બનાવ્યા હતા. જણાવી દઈએ કે જાડેજાએ આ કામ આરસીબીના હર્ષલ પટેલ સામે કર્યું હતું. એ મેચમાં જાડેજાએ આ ઓવરમાં 5 છગ્ગા અને 1 ચોગ્ગો ફટકાર્યો હતો. આ સાથે જ રવિન્દ્ર જાડેજાએ 28 બોલમાં 62 રન બનાવ્યા હતા. નોંધનીય છે કે ચેન્નાઈ સુપર કિંગ્સની ઈનિંગની છેલ્લી ઓવરમાં હર્ષલ પટેલ સામે હતો રવિન્દ્ર જાડેજા અને જાડેજાએ 5 છગ્ગા ફટકારીને ચેન્નાઈ સુપર કિંગ્સનો સ્કોર 191 સુધી પહોંચાડ્યો હતો. આ સાથે જ જાડેજા એક ઓવરમાં 5 છગ્ગા મારનાર આઈપીએલ ઈતિહાસનો ત્રીજો ખેલાડી બન્યો.

પ્રશાંત પરમેશ્વરન (વર્ષ-2011)
મોંઘી ઓવરની વાત કરીએ તો IPLના ઈતિહાસની સૌથી મોંઘી ઓવર 2011માં નાખવામાં આવી હતી. જણાવી દઈએ કે 8 મે 2011ના રોજ IPLની ચોથી સિઝનમાં ફેંકાઇ હતી. એ સમયે કોચી ટસ્કર્સનો સામનો રોયલ ચેલેન્જર્સ બેંગ્લોર ટીમ સામે થયો હતો જેમાં મેચની એક ઓવરમાં 37 રન બનાવ્યા હતા. જણાવી દઈએ કે આ સિદ્ધિ ક્રિસ ગેલે કરી હતી. ક્રિસ ગેલે ઇનિંગની ત્રીજી ઓવરમાં પ્રશાંત પરમેશ્વરન સામે જબરદસ્ત બેટિંગ કરી હતી જેમાં તેને 4 સિક્સર અને 3 ફોર ફટકારીને કુલ 37 રન બનાવ્યા. મહત્વનું છે કે આ ઓવરમાં નો બોલનો 1 રન પણ હતો. આ ઓવરમાં 6, નો બોલ + 6, 4, 4, 6, 6, 4 રન બનાવ્યા હતા.