World Cup 2023 / ફાઇનલમાં ભારતને ઝટકા આપી શકે છે આ 4 ખેલાડી, ગમે ત્યારે બાજી પલટવાની રાખે છે તાકાત, રોહિતે રહેવું પડશે ઍલર્ટ

• ભારત vs ઑસ્ટ્રેલિયાની વર્લ્ડ કપ ફાઈનલ મેચની તૈયારીઓ સમાપ્ત
• બંને ટીમનાં ખેલાડીઓ ટાઈટલ પોતાને નામ કરવા મેદાનમાં ધૂમ મચાવશે
• ઑસ્ટ્રેલિયાનાં આ 4 ખેલાડીઓથી ટીમ ઈન્ડિયાએ સાવધાન રહેવું પડશે

India vs Australiaની મેચ પહેલા બંને ટીમોએ જીત માટે જોરદાર તૈયારીઓ કરી લીધી છે. સમીકરણો અનુસાર ભારતીય ટીમ આ વખતે ટાઈટલને પોતાના નામ કરશે. ટૂર્નામેન્ટમાં ભારતીય ટીમની બેટિંગ અને બોલિંગ બંને ધમાકેદાર રહી છે તેવામાં ભારત ફાઈન્લમાં જીત માટે તનતોડ મહેનત કરી રહ્યું છે. પણ ઑસ્ટ્રેલિયાનાં એવા 4 ખેલાડીઓ છે કે જે ભારતનાં વિજયરથને રોકી શકે છે. જો ટીમ ઈન્ડિયાએ ફાઈનલની મેચ જીતવી છે તો આ 4 ખેલાડીઓથી સાવધાન રહેવું પડશે.

ખતરનાક બેટર
ઑસ્ટ્રેલિયાની ટીમમાં એવા 4 ખેલાડીઓ છે જે એકલા આખી મેચ પલટવા માટે સક્ષમ છે. તેવામાં જો ભારતે આ મેચ જીતવી હોય તો એલર્ટ રહેવું પડશે. આ લિસ્ટમાં પહેલું નામ છે મિશેલ માર્શ. મિશેલ આ વિશ્વકપમાં જોરદાર પર્ફોર્મન્સ આપી રહ્યાં છે. તેવામાં ફાઈનલ મેચ દરમિયાન માર્શનાં બેટને અટકાવવું ઘણું જરૂરી છે. બીજો ખેલાડી છે વિસ્ફોટક બેટર ગ્લેન મેક્સવેલ. મેક્સવેલનો બેટ રન બનાવવાની મશીન હોય તેવું લાગે છે. તેઓ કોઈપણ બોલરને બક્ષતા નથી. અફઘાનિસ્તાનની સામેની મેચમાં મેક્સવેલે એકલા હાથે સદી ફટકારી હતી અને વિજય મેળવ્યો હતો.

આ 2 બોલર્સ
આ લિસ્ટમાં ત્રીજા સ્થાને છે ફાસ્ટ બોલર મિશેલ સ્ટાર્ક! ઑસ્ટ્રેલિયાની ટીમનાં સૌથી અનુભવી અને ખતરનાક બોલર્સમાંનાં એક મિશેલ સ્ટાર્ક ભારતીય બેટર માટે ખતરો પેદા કરનારા છે તેવામાં ભારતીય ખેલાડીઓએ તેમનાથી ખાસ બચવાની જરૂર રહેશે. ઑસ્ટ્રેલિયાનાં ચોથા ખતરનાક ખેલાડી છે બોલર જોશ હેઝલવુડ. તેઓ પણ ભારતીય બેટર પર ભારે પડી શકે છે. તેઓ પોતાની સારી-સારી બોલ્સથી વિકેટો ચટકારવામાં એક્સપર્ટ છે. તેથી ભારતીય ખેલાડીઓએ આ બોલરથી પણ સાવધાન રહેવાની જરૂર પડશે.