બનાસકાંઠા / કાંકરેજની ખારિયા કેનાલમાં યુવકે પડતું મૂક્યું, ઘટનાનો LIVE વીડિયો આવ્યો સામે, એક જીવ બચાવવા કૂદયો પણ..

• કાંકરેજના ખારિયા નર્મદા મુખ્ય કેનાલમાં યુવકે ઝંપલાવ્યુ
• હાઇવે ઉપરના પુલ પરથી મુખ્ય કેનાલમાં લગાવી મોતની છલાંગ
• અગમ્ય કારણોસર છલાંગ લગાવ્યાનું અનુમાન

બનાસકાંઠાનાં કાંકરેજનાં ખારિયા હાઈવે પરનાં પુલ પરથી સાંજના સુમારે એક યુવક દ્વારા નર્મદા મુખ્ય કેનાલમાં ઝંપલાવ્યું હતું.  ત્યારે યુવકે કેનાલમાં ઝંપલાવતા ત્યાં ઉભેલા ગ્રામજનોની નજર યુવક પર પડતા સ્થાનિક તરવૈયાઓ તાત્કાલીક યુવકને બચાવવા માટે કેનાલમાં ઝંપલાવ્યું હતું. ત્યારે સ્થાનિક તરવૈયાઓ દ્વારા દોરડાથી યુવકનો જીવ બચાવવાનો પ્રયત્ન કર્યો હતો. પરંતું યુવક ઉંડા પાણીમાં ડૂબી જતા તેની કોઈ ભાળ મળવા પામી ન હતી. ત્યારે પુલ પરથી મુખ્ય કેનાલમાં યુવકે છલાંગ લગાવતો વીડિયો વાયરલ થવા પામ્યો હતો. ત્યારે હાલ તો યુવકે અગમ્ય કારણોસર છલાંગ લગાવ્યાનું અનુમાન લગાવવામાં આવી રહ્યું છે. ત્યારે ઘટનાની જાણ થતા ફાયર ફાઈટર સહિતનો કાફલો ઘટના સ્થળે દોડી આવ્યો હતો અને યુવકની લાશને શોધવાની કામગીરી શરૂ કરી હતી.

યુવકે ક્યાં કારણોસર મોતની છલાંગ લગાવી તે અકબંધ
ઘટનાની જાણ ગામમાં વાયુ વેગે પ્રસરતા મોટી સંખ્યામાં ગ્રામજનો તેમજ યુવકના પરિવારજનો ઘટના સ્થળે દોડી આવ્યા હતા. ગ્રામજનોએ આ અંગની જાણ ફાયર ફાઈટરને કરતા ફાયર ફાઈટરનાં કર્મચારીઓ પણ ઘટના સ્થળે પહોંચી સ્થાનિક તરવૈયાઓની મદદથી યુદ્ધનાં ધોરણે યુવકને શોધવાની કામગીરી હાથ ધરી હતી. યુવકને કેનાલમાં છલાંગ લગાવતો વીડિયો સોશિયલ મીડીયા પર વાયરલ થતા ગ્રામજનો ઘટના સ્થળે દોડ્યા હતા. ત્યારે સ્થાનિક તરવૈયાઓએ પણ કેનાલમાં યુવકની શોધખોળ હાથ ધરી હતી. ત્યારે મોડી રાત સુધી યુવકની લાશ મળવા પામી ન હતી.  યુવકે ક્યાં કારણોસર મોતની છલાંગ લગાવી તે અંગે પોલીસ દ્વારા તપાસ હાથ ધરવામાં આવી છે. 

કાંકરેજની ખારિયા કેનાલમાં યુવકે પડતું મૂક્યું, ઘટનાનો LIVE વીડિયો આવ્યો સામે, એક જીવ બચાવવા કૂદયો પણ..

યુવકના આપઘાતનો LIVE વીડિયો જોઈ કંપારી છૂટી જશે#Banaskantha #vtvgujarati pic.twitter.com/a5LwZvxjpA

— VTV Gujarati News and Beyond (@VtvGujarati) April 10, 2023