WFI controversy / WFIનો વિવાદ હજુ શમ્યો નથી! સાક્ષીએ કહ્યું-સસ્પેન્શનનો આદેશ લેખિતમાં નથી જોયો, સંજય સિંહ બોલ્યા- હું PM મોદીને મળવા જઈશ

• WFIની નવી ચૂંટાયેલી એક્ઝિક્યુટીવ કમિટીને સસ્પેન્ડ કરી દીધી 
• સસ્પેન્ડ થયા બાદ સંજય સિંહે કહ્યું, 'હું PMને મળવા જઈશ'
• 'જ્યાં સુધી ન્યાય નહીં મળે ત્યાં સુધી હું પદ્મશ્રી પાછો નહીં લે'- બજરંગ પુનિયા

કુસ્તીબાજો અને બૃજભૂષણ શરણ સિંહને લઈને ચાલી રહેલા વિવાદ વચ્ચે ભારત સરકારના ખેલ મંત્રાલયે કુસ્તી ફેડરેશન ઓફ ઈન્ડિયાની નવી ચૂંટાયેલી એક્ઝિક્યુટીવ કમિટીને સસ્પેન્ડ કરી દીધી હતી. મંત્રાલયે પોતાના નિર્ણયમાં કહ્યું છે કે WFIએ હાલના નિયમો પ્રત્યે સંપૂર્ણ બેદરકારી દર્શાવી છે.

#WATCH | On suspension of the newly elected body of Wrestling Federation of India (WFI) by Union Sports Ministry, Wrestler Sakshi Malik says, "I have not seen anything in writing yet. I don't know whether only Sanjay Singh has been suspended or the entire body has been… pic.twitter.com/J3ELFd98rC

— ANI (@ANI) December 24, 2023

અધ્યક્ષ પદ પરથી સસ્પેન્ડ થયા બાદ સંજય સિંહનું કહેવું છે કે તે આ વિશે વડપ્રધાન નરેન્દ્ર મોદી અને ખેલમંત્રી અનુરાગ ઠાકુર સાથે વાત કરશે. સાથે જ બૃજભૂષણ શરણ સિંહે જણાવ્યું હતું કે ગોંડાને આ ગેમ્સના આયોજન માટે પસંદ કરવામાં આવ્યું હતું કારણ કે આટલા ઓછા સમયમાં અન્ય કોઈ ફેડરેશન ગેમ્સનું આયોજન કરી શકે તેમ નથી. 

#WATCH | On suspension of newly elected body of Wrestling Federation of India (WFI) by Union Sports Ministry, Sanjay Singh (who was elected as new WFI president) says, " When New Federation was formed, he (Brijbhushan Singh) was sent off and today he told that he has retired from… pic.twitter.com/jJAmPZT1fK

— ANI (@ANI) December 24, 2023

'જ્યાં સુધી ન્યાય નહીં મળે ત્યાં સુધી હું પદ્મશ્રી પાછો નહીં લે'
ફેડરેશન રદ કરવા પર સાક્ષી મલિકે કહ્યું કે તેને આ માહિતી મીડિયા દ્વારા મળી છે. આ અંગે તેમને લેખિતમાં કોઈ સૂચના મળી નથી. દરમિયાન, પદ્મશ્રી પુરસ્કાર પરત કર્યા બાદ બજરંગ પુનિયાએ કહ્યું છે કે જ્યાં સુધી તેમને ન્યાય નહીં મળે ત્યાં સુધી તેઓ તેમનો એવોર્ડ પાછો નહીં લે. આ વિશે વાત કરતાં બજરંગ પુનિયાએએ કહ્યું કે 'હું હાલ મારો પદ્મશ્રી પાછો નહીં લઉં, ન્યાય મળ્યા બાદ આ વિશે વિચારીશ, કારણકે કોઈ પણ એવોર્ડ કે પુરસ્કાર અમારી બહેનોના સમ્માનથી મોટો નથી.' 

સંજયસિંહ WFI પ્રેસિડન્ટ બનતાં સાક્ષીએ આપ્યું હતું રાજીનામું
નોંધનીય છે કે આ વર્ષે કુસ્તીબાજોના વિરોધ પછી ભાજપ સાંસદ બૃજભૂષણ શરણ સિંહને રેસલિંગ એસોસિએશનના પ્રમુખ પદેથી હટાવી દેવામાં આવ્યા હતા. તે પછી ચૂંટણી યોજાઈ અને બૃજભૂષણ શરણના નજીકના કહેવાતા સંજય સિંહ ચૂંટણી જીત્યા હતા. સંજય સિંહ પ્રમુખ બન્યા બાદ દિગ્ગજ રેસલર સાક્ષી મલિકે પત્રકાર પરિષદમાં કુસ્તી છોડવાની જાહેરાત કરી હતી. તેમના પછી બજરંગ પુનિયાએ પદ્મશ્રી પરત કર્યો. તેમના સિવાય હરિયાણાના પેરા એથ્લીટ વીરેન્દ્ર સિંહે પદ્મશ્રી પરત કરવાની જાહેરાત કરી હતી.