ક્રાઈમ / એપ્લિકેશન માધ્યમથી લોન લેતા હોય તો ચેતજો.! અમદાવાદમાં અનેક લોકો બન્યા ભોગ, મોડસ ઓપરેન્ડી મેડ ઈન ચાઈના

• એપ્લિકેશનના માધ્યમથી બ્લેકમેઈલીંગ કરતી ગેંગ ઝડપાઈ
• સાઈબર ક્રાઈમે નોઈડા અને પુનામાંથી બે ઓરોપીઓને ઝડપ્યા
• બ્લેકમેઇલના પૈસા ભારતથી ચાઈના ક્રિપ્ટો કરન્સીમાં મોકલાતા

Ahmedabad news : એપ્લિકેશન માધ્યમથી લોન લેતા હોય તો ચેતી જજો, કારણ કે તમારા ડેટાની ચોરી કરીને તમને બ્લેકમેઈલીંગનો ભોગ બનાવી શકે છે.  બ્લેકમેઈલીંગના કાંડ કરતી એક ગેંગના બે લોકોની નોઈડા અને પુનાથી ધરપકડ કરી છે. ચાઈનામાં બેઠલા એક ભારતીય નાગરિક દ્વારા આ લોન ફ્રોર્ડનું નેટવર્ક ચાલતું હોવાનું ખુલાસો થયો છે.  પૈસાની જરૂરિયાત માટે મોબાઇલ એપ્લિકેશનથી લોન લેતા લોકો માટે લાલબત્તી સમાન કિસ્સો સામે આવ્યો છે. જેમાં સાયબર ક્રાઇમની ટીમે લોન ફ્રોર્ડ અને બ્લેકમેઇલ કરતી ગેંગનું નેટવર્ક ઝડપીને બે આરોપીની ધરપકડ કરી છે. સમગ્ર મામલો એવો છે કે, દેશભરમાં એપ્લિકેશનથી લોન મેળવ્યા બાદ લોકોને બ્લેકમેઇલ કરીને રૂપિયા પડાવતી ગેંગની અનેક ફરિયાદો સામે આવી હતી. જેમાં અમદાવાદમાં પણ અનેક લોકો આ ગેંગનો ભોગ બન્યા હતા. 

કરોડોની સંખ્યામાં લોકોના ડેટા
સાયબર ક્રાઇમની ટીમે ટેક્નિકલ એનાલિસિસ કરી કોલિંગ કરનાર સર્વિસ અને ડેટાનું સર્વર શોધીને નોઈડા અને પુનામાં રેડ કરી આખું નેટવર્ક ઝડપયું છે. આ ગેંગના બે આરોપી પુનાથી વિજયકુમાર કુભાર અને નોઈડાથી ગૌરવસિંગની ધરપકડ કરવામાં આવી છે. તેમની તપાસમાં આ નેટવર્ક ચાઈનાથી ઓપરેટ થતું હોવાનું ખુલ્યું છે. સાયબર ક્રાઇમ બ્રાંચની ટીમે આરોપી પાસેથી ચાર મોબાઇલ અને બે લેપટોપ કબજે કરી તેમની પાસે રહેલો 50 ટીબી ડેટા મળી આવ્યો છે. જે ડેટામાં કરોડોની સંખ્યામાં લોકોના નામ અને સરનામાં સાથેની આખી પ્રોફાઈલ છે. એપ્લિકેશનમાં ચાલતા લોન નેટવર્કનું સિસ્ટમ ચાઈનાથી ઓપરેટ થતું હતું. જ્યારે તેનું મેનેજમેન્ટ ભારતના જુદા જુદા શહેરોમાં કોલ સેન્ટર દ્વારા થતું હતું. પરતું જે કોલિંગ માટેનું આખું સર્વર પુના અને નોઈડાથી ઓપરેટ કરવામાં આવતું હતું. જેનો માસ્ટર માઈન્ડ વિજયકુમાર કુંભાર હતો જે આઇટી કંપનીની આડમાં સર્વર મેનેજ કરતો હતો. જે સર્વર સિસ્ટમનું કનેક્શન નોઈડના ગૌરવસિંગ પાસે રહેતું હતું. આરોપી ગૌરવસિંગ વેબ વર્ક્સ ડેટા સેન્ટરની આડમાં સર્વર ચાલવાતો હતો. 

ચાઈનીઝ વ્યક્તિ પણ સંડોવાયેલા
આ સર્વરનું ઓપરેટ સિસ્ટમ ચાઈનામાં બેઠેલો ભારતીય નાગરિક કરતો હતો .જેની સાથે બે ચાઈનીઝ વ્યક્તિ પણ સંડોવાયેલા છે. તેઓ લોન લેનાર વ્યક્તિના પ્રોફાઈલ ડેટા ચોરી કરીને તેમના ફોટો પરથી અશ્લીલ ફોટો મોર્ફ કરીને બ્લેકમેઇલ કરીને પૈસા પડાવતા હતા. જેમાં અનેક લોકોએ બ્લેકમેઇલથી આપઘાત પણ કરી ચુક્યા હોવાની ઘટના સામે આવી છે.  પકડાયેલ બે આરોપીની પૂછપરછમાં છેલ્લા બે વર્ષથી આ સર્વર ઓપરેટ કરતા હોવાનું સામે આવ્યું છે. જેમાં બે લાખ સુધીનો પગાર ચૂકવામાં આવતો હતો. બ્લેકમેઇલના પૈસા ભારતથી ચાઈના ક્રિપટો કરન્સીમાં મોકલવામાં આવતા હતા. જેને લઈ સાયબર ક્રાઇમની ટીમ તપાસ હાથ ધરી છે.