આવેદન / ઓપેરા કંપની દાદાગીરી.! ભાવનગરમાં વિધવા મહિલાનું ઘર એક રાતમાં જ પાડી નાખ્યું, પરિવારે આજીજી કરી ઈચ્છામૃત્યુની કરી માગ

• ઓપેરા કંપની દાદાગીરી 
• નાના ખુંટવડા ગામે એક પરિવારનો છીનવાયો આશરો
• વિધવા મહિલાનું ઘર એક રાતમાં જ પાડી નાખ્યું

ભાવનગરના નાના ખુંટવડા ગામે એક ગરીબ પરિવારનો આશરો રાતો-રાત છીનવી લેવાયો છે. અને ધરમૂળમાંથી તેમનું મકાન ઉખાડી ફેંકાયું છે. વાત એમ છે કે, વસંતબેન સરવૈયા નામની વિધવા મહિલાએ પંચાયતની જમીન પર પોતાનું ઘર બનાવ્યું હતું. 

ન્યાય માટે કલેક્ટરને આપ્યું આવેદન
પરંતુ અચાનક બે દિવસ પહેલા 23મી સપ્ટેમ્બરે ઓપેરા વિન્ડફાર્મ કંપનીના કર્મચારીઓ આવ્યા. અને તેમના મકાનને પાડી નાખ્યું. જેથી મજૂરી કરી ગુજરાન ચલાવતો આ પરિવાર રસ્તા પર આવી ગયો છે. આ રીતે પોતાનું ઘર છિનવાતા વિધવા વસંતબેન અને તેનો પુત્ર ઈચ્છા મૃત્યુની માગ સાથે કલેક્ટર ઓફિસ ખાતે પહોંચ્યા હતા. અને હાથમાં પોસ્ટરો રાખી પવન ચક્કીનું સંચાલકન કરતી કંપનીના વિરોધમાં કલેક્ટરને આવેદન પત્ર આપ્યું હતું. 

સરવૈયા પરિવારની માગ
સરવૈયા પરિવારની હાલ એક જ માગ છે કે, તેમને ન્યાય આપો. અથવા ઈચ્છા મૃત્યુ માટે પરવાનગી આપો કારણ કે, આ રીતે ગરીબોનું શોષણ થતું રહેશે અને કોઈ બોલશે નહીં કે, ન્યાય નહીં આપે તો ગરીબ પાસે ઈચ્છા મૃત્યુ સિવાય બીજો કોઈ રસ્તો જ નહીં બચે.