વિશ્વાસઘાત / અમદાવાદમાં દાગીનાની દુકાનનો માલિક શૌચ કરવા ગયો અને 2 કારીગરો 1.25 કરોડનું સોનુ લઇને થયા રફૂચક્કર

• અમદાવાદના નિકોલમાં કરોડોના દાગીના ચોરી
• ચોરી થયેલા સોનાના દાગીનાની કિંમત 1 કરોડ 25 લાખ રૂપિયા 
• વેપારીએ તેના જ બે કારીગરો સામે નોંધાવી ફરિયાદ

ગુજરાતમાં ચોરી લૂટફાટની ઘટનાઓ જાણે સામાન્ય બની ગઈ છે. ધોળા દિવસે ચોરીના બનાવો બની રહ્યા છે અને પોલીસ હાથ પર હાથ ધરી બેઠી છે. અમદાવાદમાં વધુ એક ચોરીનો ચોંકાવનારો કિસ્સો સામે આવ્યો છે. વેપારીને તેના જ બે કારીગરો ચૂનો ચોપડી ફરાર થઈ ગયા છે. આરોપીઑ એક્ટીવા સાથે  1 કરોડ 25 લાખ રૂપિયાની કિમતના સોનાના દાગીના લઈ રફુચક્કર થયા છે. 

અમદાવાદના નિકોલનો વેપારી બન્યો કાવતરાનો શિકાર
માલિક અને કારીગર વચ્ચે વિશ્વાસનો સંબધ હોય છે. પણ અમદાવાદમાં આજે બનેલા ચોરીના બનાવે સૌ કઈ વેપારીને ચેતવી દીધા છે. અમદાવાદના નિકોલમાં વેપારી સાથે કામ કરતાં કારીગર જ દાગીના ચોરી ફરાર થતાં ચકચાર પામી છે. વેપારી સાથે વર્ષોથી કામ કરતાં કારીગરોએ પીઠમાં છરો ભોકયો હોય એમ પોતાના માલિકના  1 કરોડ 25 લાખ રૂપિયાના સોનાના દાગીના લઈ નાશી છૂટયા હતા. બંને કારીગરો દાગીના સહિત એક્ટિવા લઇ ફરાર થયા છે.

કઇ રીતે કરી કારીગરે કરી ચોરી?
16 ઓક્ટોબરના રોજ બપોરે 1 કલાકની આસપાસ બે થેલામાં સોનાના સેટ, બુટ્ટીઓ, મંગળ સૂત્ર, લકી કડા સહિત રૂ. 1.25 કરોડની કિંમતના દાગીના લઈ એક્ટિવા પર મુકેશભાઈ આનંદસિંહ સાથે જઈ રહ્યા હતા. અને અનેક દુકાનોમાં દાગીના બતાવી માલિક નરોડા આદિશ્વર કેનાલ પાસે એક્ટીવા ઊભું રાખી સોનાની ભાળ કારીગરને સોંપી કુદરતી હાજતે ગયા હતા પણ આરોપી કારીગરનું મન મેલુ હતું મુકેશભાઈ શૌચ કરવા ગયા ત્યારે આનંદસિંહ તક ઝડપી 1.25 કરોડના ઘરેણાં ભરેલી બેગ એક્ટીવા સાથે લઈ ગુમ થઈ ગયો હતો.

અઢી મહિના પહેલા જ કારીગરને રાખ્યો હતો કામે 
દાગીના બનાવનાર વેપારી માણેક ચોક ખાતે M H જ્વેલર્સ નામે દુકાન ધરાવે છે. આરોપી કારીગરોને 80 દિવસ પહેલા જ કામે રાખ્યા હતા. પહેલા તેમના જ ગામનો અને સમાજનો ગણેશભાઈ ઘાંચી નામનો વ્યક્તિ આવ્યો હતો તેના જ ગામના આનંદસિંહ રાજપૂત નામના વ્યક્તિને માસિક 9000ના પગારે કામ પર લીધો હતો. મુકેશભાઈ સાથે આનંદસિંહ સોનાના દાગીના લઈ દુકાને ફરતો હતો.
વેપારીએ કરી પોલીસ ફરિયાદ
કારીગરોના કરતૂતની વેપારીને જાણ થતાંની સાથે જ વેપારીએ પોલીસ સ્ટેશનમાં જઈ સમગ્ર ઘટનાની પોલીસને જાણ કરી હતી. પોલીસે ફરિયાદ નોંધી આરોપી કારીગરોને પકડવા તજવીજ હાથ ધરી છે. હાલ તો ચોરીના આ બનાવના પગલે વેપારી ચિંતામાં મુકાયા છે. આરોપીઑ વહેલી તકે મળે તો કરોડોના સોનાનો માલ પાછો મળી શકે તેવી આશા સેવી રહ્યો છે. પોલીસ હાલ પોતાના સૂત્રો ગતિમાન કરી આરોપીઑની ભાળ મેળવી રહી છે પણ સવાલ એ છે કે અમદાવાદમાં સામાન્ય બનેલી ગયેલી ચોરી અને લૂટફાટની ઘટનાઓ ક્યારે અટકશે?