- બાંગ્લાદેશ અને ભારત વચ્ચે રમાયેલી મહિલા ODIની મેચ ટાઈ થઈ
- ટીમ ઇન્ડિયાએ પણ 225 રન બનાવતા મેચ થઈ ટાઈ
- હરમનપ્રીત કૌરને ખોટી રીતે આઉટ કરાયાનો દાવો
બાંગ્લાદેશ અને ભારત વચ્ચે રમાયેલી મહિલા ODIની મેચ આજે ટાઈ થઈ હતી. છેલ્લી મેચમાં આજે બાંગ્લાદેશે 225 રન કર્યા હતા. જેના જવાબમાં ઉતરેલી ટીમ ઇન્ડિયાએ પણ 225 રન બનાવતા મેચ ટાઈ થઈ હતી. જેને પગલે ત્રણ મેચની શ્રેણી 1-1 થી બરાબર થઈ હતી. જો કે આ સમગ્ર મેચ દરમિયાન મેદાન પર વિવાદની સ્થિતિ પણ દેખાય હતી. જેમાં ભારતીય ખેલાડીઓ અને તેમના અમ્પાયર વચ્ચે વિવાદ સર્જાયો હતો. બને એમ્પાયર બાંગ્લાદેશના હતા અને તેમણે ભારતની ટીમ સામે અમુક ખોટા નિર્ણય આપ્યા હોવાના દાવા થઈ રહ્યા છે. જેમાં હરમનપ્રીત કૌરને ખોટી રીતે આઉટ કરાયાનો દાવો થઈ રહ્યો છે.
અમ્પાયરિંગના કેટલાક નિર્ણયોથી ખૂબ નિરાશ
બાદમાં સમગ્ર મેચમાં હરમનપ્રીત કૌર ગુસ્સામાં જોવા મળી હતી. મેચ ટાઇ થયા બાદ ઈન્ટરવ્યુમાં જ તેમણે અમ્પાયરિંગ પર સવાલ ઉઠાવ્યા હતા. તેણે સ્પષ્ટ કહ્યું કે આગામી વખતે જ્યારે તે બાંગ્લાદેશની મુલાકાત લેશે ત્યારે આ દિશામાં સંપૂર્ણ સજ્જ થઈને આવશે. હરમનપ્રીત કૌરે કહ્યું હતું કે મને રમતમાંથી ઘણું શીખવા મળ્યું છે. જે રીતે અમ્પાયરિંગ થઈ રહ્યું હતું. તે આશ્ચર્ય જનક થયું હતું. તેમણે અમ્પાયરિંગના કેટલાક નિર્ણયોથી ખૂબ નિરાશ હોવાનો પણ ઉલ્લેખ કર્યો હતો.
ઓવોર્ડમાં ભારતીય હાઇ કમિશનના અધિકારીઓની બાદબાકી
વધુમાં ભારતીય હાઇ કમિશનના અધિકારીઓ મેચ જોવા માટે સ્ટેડિયમ ખાતે પહોંચ્યા હતા. મેચ સંપન્ન થયા બાદ એવોર્ડ ફંક્શનનું આયોજન કરવામાં આવ્યું હતું. જેમાં ભારતીય હાઇ કમિશનના અધિકારીઓને બોલાવવામાં ન આવતા આ મામલે પણ કેપ્ટને ગુસ્સો ઠાલવ્યો હતો. તેમણે ઇન્ટરવ્યૂમાં કહ્યું હતું કે અમારું ભારતીય હાઈ કમિશન પણ અહીં છે. મને લાગે છે કે તમે તેને અહીં આમંત્રિત કરી શક્યા હોત, પરંતુ તે પણ સારું છે. હરમનપ્રીત કૌરે મેચ જોવા આવવા બદલ તેમનો આભાર માન્યો હતો.
