મર્ડર..મર્ડર .. / કહાની અતીકના આરંભથી અંત સુધી..34 વર્ષ પહેલા ચાંદ બાબાની હત્યાથી શરૂ થયેલો કિસ્સો, આખરે ગોળી ખાઈ પૂર્ણ થયો

• ગોળીબારની ગુંજનો અતીક-અશરફની હત્યાથી અંત
• આરોપી દર વખતે અત્યાધુનિક હથિયારોનો ઉપયોગ
• આરોપી ખુલ્લે આમ હત્યાને અંજામ આપતા

ઉમેશપાલ હત્યા કેસમાં સંડોવાયેલા આરોપી અતિક અને તેના ભાઈની ગાઈકાલે ભરબજારે હત્યા કરી દેવામાં આવી સાથે જ અતિકના આતંકનો અંત આવ્યો છે. ચાંદ બાબાની હત્યાથી અતિકની ક્રાઇમ કુંડળી ઉઘાડી પડી હતી. વર્ષ 1995માં જવાહર પંડિત હત્યા કેસને છોડીને દરેક રાજકીય હત્યામાં માફિયા અતીક અહેમદનું નામ જ ઉઘાડું પડતું હતું. આરોપી દર વખતે અત્યાધુનિક હથિયારોનો ઉપયોગ કરતા હતા અને ખુલ્લે આમ હત્યાને અંજામ આપતો હતો.

1989ની વિધાનસભા ચૂંટણીમાં માફિયા અતીક અહેમદ અને તેના જાણીતા દુશ્મન, સબઝી મંડી વિસ્તારના તત્કાલીન કાઉન્સિલર શૌક ઈલાહી ઉર્ફે ચાંદ બાબા એકબીજાને સીધો પડકાર ફેંકી રહ્યા હતા. આ દરમિયાન સામસામે આવી જતા ઘટનામાં ચાંદ બાબાનું મોત થયું હતું. જેના અતીક અહેમદ ઉપર હત્યાનો આરોપ લાગ્યો હતો.

2004 સુધી સતત પાંચ વખત ધારાસભ્ય તરીકે પણ ચૂંટાયા
બાદમાં અતીકનો રાજકીય મોભો વધ્યો અને તે ત વર્ષ 2004 સુધી સતત પાંચ વખત ધારાસભ્ય તરીકે પણ ચૂંટાયા હતા. આ વેળાએ 1995માં, સપા ધારાસભ્ય જવાહર પંડિતની સિવિલ લાઈન્સ રોડ ધોળે દિવસે ગોળી ધરબી હત્યા કરવામાં આવી હતી. ચાંદ બાબા પછી પ્રયાગરાજમાં આ બીજી સૌથી મોટી રાજકીય હત્યા હોવાનું જણાય રહ્યું છે. આ ઘટનાના આશરે 10 વર્ષ પછી, માફિયા અતીક અને અશરફ ફરી ચર્ચામાં આ યા હતા. 25 જાન્યુઆરી 2005ના રોજ તત્કાલીન બીએસપી ધારાસભ્ય રાજુ પાલને ધુમનગંજમાં  ગોળી ધરબી મોતને ઘાટ ઉતારી દેવામાં આવ્યા હતા. જેનો પણ અતીક અને અશરફ પર હત્યાનો આરોપ હતો. છતાં પણ અશરફે રાજુ પાલની હત્યા રાજુ પાલની પત્ની પૂજા પાલને હરાવ્યા હતા. બાદમાં આરોપીઓએ પૂજા પાલની પણ હત્યા કરી નાખી હતી.

34 વર્ષ જૂના ઈતિહાસનું પુનરાવર્તન

બાદમાં 24 ફેબ્રુઆરીએ બીજેપી નેતા ઉમેશ પાલની હત્યા થતા આ પ્રકરણ સમગ્ર રાજ્યમા ગાજયો હતુ. ઉમેશની સુરક્ષામાં તૈનાત બે કોન્સ્ટેબલ પણ માર્યા ગયા હતા. જે ઘટનામાં માસ્ટરમાઇન્ડ અતીક અને અશરફ હોવાનું જણાય રહ્યું છે જેતે વખતે અતીકનો ત્રીજા નંબરનો પુત્ર અસદ પણ ઉમેશ પાલ પર ફાયરિંગ કરતો હોવાનું સીસીટીવીમાં દ્રશ્યમાન થતું હતુ. આમ 34 વર્ષ જૂના ઈતિહાસનું પુનરાવર્તન થયું 34 વર્ષ પહેલા 15 એપ્રિલે રાત્રે લગભગ 10.37 કલાકે ગોળીબારની ગુંજ સાથે શરૂ થયેલી વાર્તાનો અંત પણ અતીક-અશરફની હત્યા સાથે થયો છે.