કોરોના કવચ / કાલથી 15થી 18 વર્ષના બાળકોને રસી આપવાની શરૂઆત, મુખ્યમંત્રી વેક્સિનેશન અભિયાનનો કરશે પ્રારંભ

• CM ગાંધીનગરના કોબામાથી કરાવશે રસીકરણ પ્રારંભ 
• 15 થી 18 વર્ષના બાળકો માટેના રસીકરણનો આરંભ 
• 7 મીએ રસીકરણ મહા અભિયાન,તમામને અપાશે રસી 

મુખ્યમંત્રી ભૂપેન્દ્ર પટેલ આવતીકાલે 15 થી 18 વર્ષના બાળકો માટે શરુ થઈ રહેલા  કોરોના વેક્સીનેશન અભિયાનનો રાજ્યવ્યાપી  પ્રારંભ  ગાંધીનગર નજીકના કોબા ની જી.ડી. એમ કોબાવાલા હાઇસ્કુલ થી કરાવશે.આ હાઈસ્કૂલમાં પહોંચીને 15 થી 18 વર્ષના બાળકો ને કોરોના સામે સુરક્ષા કવચ રૂપી  વેક્સીનેશન ડ્રાઇવની રાજ્યમાં શરૂઆત થવાની કામગીરીનું નિરીક્ષણ કરશે.

એક સપ્તાહમાં 35 લાખ બાળકોને અપાશે રસી 

સમગ્ર રાજ્યમાં અંદાજે 35 લાખ થી વધુ બાળકોને આ રસીકરણ નો લાભ આપવા રાજ્યના આરોગ્ય વિભાગે પૂરતી તૈયારીઓ કરી છે.ત્યારે  ગાંધીનગર મહાનગર પાલિકા વિસ્તારની કોબા ની  હાઇસ્કુલ થી રસીકરણ અભિયાન નો પ્રારંભ કરાવશે. ગાંધીનગર મહાનગર પાલિકા વિસ્તારમાં સમાવિષ્ટ 93 જેટલી શાળાઓના અંદાજે 20 હજાર બાળકો ને આ રસીકરણ માં આવરી લેવા આરોગ્ય કર્મીઓની 50 ટીમ કાર્યરત રહેવાની છે. 3 જાન્યુઆરીથી શરુ થઇ રહેલા આ રસીકરણ  અભિયાનમાં પ્રથમ દિવસે  જ ગાંધીનગર મહાનગર પાલિકા વિસ્તારની 13 શાળાઓ ના પાંચ હજાર બાળકો ને વેક્સિન ડોઝ આપવાનું મહાનગરપાલિકા અને આરોગ્ય વિભાગનું આયોજન છે.

આવતીકાલે સમગ્ર દેશમાં ૧૫ થી ૧૮ વર્ષની ઉંમરના તરુણોને કોરોના સામે કવચ પૂરું પાડવા રસીકરણ શરુ થશે.રાજ્યના તમામ તરુણોને સમયસર રસી લેવા નમ્ર અપીલ કરું છું.દેશના નાગરિકોને સંજીવની રુપે રસી પ્રદાન કરવા બદલ આદરણીય પ્રધાનમંત્રી શ્રી @narendramodi જી નો હ્દયપૂર્વક આભાર વ્યક્ત કરું છું.

— Bhupendra Patel (@Bhupendrapbjp) January 2, 2022

રજિસ્ટ્રેશન માટે શું કરવું પડશે?

• સૌથી પહેલા gov.in વેબસાઈટ પર જાવ
• જો તમે કોવિન પર રજિસ્ટર્ડ નથી તો પહેલા રજિસ્ટ્રેશન કરવાનું રહેશે
• અહીં તમારે બાળકોનું નામ, ઉંમર જેવી કેટલીક માહિતી આપવાની રહેશે
• રજિસ્ટ્રેશન પુરુ થયા બાદ પોતાના મોબાઈલ પર કન્ફોર્મેશન મેસેજ આવશે.
• એ બાદ તમે વિસ્તારનો પિન કોર્ડ નાંખો
• તમારી સામે રસીકરણ સેન્ટરનું લીસ્ટ આવશે
• આ બાદ તારીખ અને સમયની સાથે પોતાનો રસીકરણ સ્લોટ બુક કરો
• આ બધુ જ કર્યા બાદ તમે રસીકરણ સેન્ટર પર જઈને પોતાના બાળકોને કોરોનાની રસી લગાવી શકશો. રસીકરણ સેન્ટર પર આવતા પહેલા તમારે આઈડેન્ટીટી પ્રૂફ  અને સીક્રેટ કોર્ડની જાણકારી આપવાની રહેશે. જે રજિસ્ટ્રેશન કરવા પર મળશે.