થનગનાટ / વર્લ્ડકપ ફાઇનલ: ચાર્ટર્ડ પ્લેન ઉતરશે અમદાવાદમાં, પાર્કિંગ માટે સુરત જવું પડશે! 100 વધુ વિમાન આવશે, જુઓ VVIP મહેમાનોનું લિસ્ટ

• આવતીકાલે અમદાવાદમાં ક્રિકેટના મહાકુંભનો મહામુકાબલો
• ભારત-ઓસ્ટ્રેલિયા વચ્ચેની ફાઈનલ મેચ નિહાળવા આવશે અનેક VVIP
• VVIP મહેમાનોના આગમનને પગલે અમદાવાદ એરપોર્ટ રહેશે વ્યસ્ત
• આવતીકાલે બપોરે 1:25થી 2:10 વાગ્યા સુધી એર ટ્રાફિક કરાશે બંધ

ભારતીય ક્રિકેટના ઈતિહાસમાં રવિવારે એક નવો અધ્યાય રચાવવા જઈ રહ્યો છે. આવતીકાલે ભારત ત્રીજી વખત વર્લ્ડ ચેમ્પિયન બનવાનું સપનુ સાકાર થઈ શકે છે. આવતીકાલે તા. 19 નવેમ્બરના વિશ્વના સૌથી મોટા નરેન્દ્ર મોદી સ્ટેડિયમમાં ક્રિકેટ વર્લ્ડકપ ફાઇનલનો જોરદાર જંગ ખેલાશે. જેને લઈને ક્રિકેટ રસિકોમાં જબરો ઉત્સાહ છે.ત્યારે ફાઈનલ મેચ પહેલા ટીમ ઇન્ડિયાના કેપ્ટન રોહિત શર્મા અને ઓસ્ટ્રેલિયાના કેપ્ટન પેટ કમિન્સે અડાલજની વાવ ખાતે ફોટોશૂટ કરાવ્યુ હતું. ,ઉલ્લેખનીય  છે કે ભારત અત્યાર સધીમાં નવ લીગ અને સેમિફાઈનલ જીતી ચુક્યુ છે. હવે ફાઇનલ મેચ કાલે હોવાથી જોવા માટે વીઆઈપી અને વીવીઆઈપી લોકો અમદાવાદ પહોંચી રહ્યાં છે. તમામ મહેમાનો માટે અમદાવાદ તંત્ર દ્વારા એ ટુ ઝેડ તૈયારી કરી લેવામાં આવી છે. એરપોર્ટ પર પણ તંત્ર દ્વારા વિશેષ તૈયારી રાખવામાં આવી છે.

#WATCH | Gujarat: Indian Air Force (IAF)'s Suryakiran aerobatic team conducts rehearsal at the Narendra Modi Stadium in Ahmedabad ahead of the 2023 World Cup Final, which will take place tomorrow, November 19.#ICCCricketWorldCup pic.twitter.com/lpUKI9wtV7

— ANI (@ANI) November 18, 2023

 એરફોર્સની સૂર્યકિરણ એરોબેટિક ટીમના એર-શૉને લઈ એર ટ્રાફિક રહેશે બંધ
અત્યારે VVIP મહેમાનોના આગમનને પગલે અમદાવાદ એરપોર્ટ વ્યસ્ત છે. આ મેચને જોવા માટે દુર દુરથી લોકો આવી રહ્યાં છે. આવતીકાલે બપોરે 1:25થી 2:10 વાગ્યા સુધી એર ટ્રાફિક  બંધ કરવામાં આવશે. એરફોર્સની સૂર્યકિરણ એરોબેટિક ટીમના એર-શૉને લઈ એર ટ્રાફિક બંધ રાખવામાં આવશે.મુસાફરોને ચેક-ઈન સમયથી 2 કલાક વહેલા પહોંચવા એડવાઈઝરી જાહેર કરવામાં આવી છે. અમદાવાદ એરપોર્ટ પર મોટી સંખ્યામાં ચાર્ટર્ડ પ્લેન ઉતરશે. હાલમાં અમદાવાદ એરપોર્ટ પર નાઈટ પાર્કિંગ માટે 15 સ્ટેન્ડની વ્યવસ્થા કરવામાં આવી છે. જેથી ટ્રાફિકની સમસ્યા ઉભી ન થાય.

15માંથી 6 સ્ટેન્ડ બિઝનેસ જેટ એરક્રાફ્ટ માટે રિઝર્વ
આ 15 સ્ટેન્ડમાંથી 6 સ્ટેન્ડ બિઝનેસ જેટ એરક્રાફ્ટ ઓપરેશન માટે રિઝર્વ રાખવામાં આવ્યા છે. અમદાવાદના G.A. ટર્મિનલ પર 100થી વધુ ચાર્ટર્ડ પ્લેન ઊતરશે. એરપોર્ટ પર 30-40 જેટલા ચાર્ટર્ડ પ્લેન પાર્ક કરી શકાય તેવી વ્યવસ્થા ગોઠવવામાં આવી છે. VVIP અને સેલેબ્સના ચાર્ટર્ડ પ્લેનને સુરત, રાજકોટ, વડોદરામાં પાર્કિંગની સુવિધા આપવામાં આવી છે. બિઝનેસમેન મુકેશ અંબાણી, લક્ષ્મી મિત્તલ પણ આ ફાઈનલ મેચ જોવા આવશે. આ સાથે જ ગૌતમ અદાણી, જિંદાલ ગ્રુપ સહિતના VVIP ઉપરાંત બોલિવૂડ સ્ટાર આ મેચની મજા માણવા માટે આવશે.

જીતના જશ્નની પણ તૈયારી પૂરી: અમદાવાદમાં ભવ્ય રોડ શૉ કરશે ભારતીય ક્રિકેટ ટીમ#WorldcupFinal #WorldcupFinal2023 #Worldcup #Worldcup2023 #Worldcup23 #INDvsAUS #gujaratnews #ahmedabadnews #narendramodistadium #vtvgujarati pic.twitter.com/GS7WzrjWAQ

— VTV Gujarati News and Beyond (@VtvGujarati) November 18, 2023

ભારત- ઓસ્ટ્રેલિયાના આ મેચને જોવા માટે ઓસ્ટ્રેલિયના ડેપ્યુટી PM પણ ડેલિગેશન સાથે અમદાવાદ આવશે. આ સાથે જ 8 રાજ્યના CM, કેન્દ્રીયમંત્રીઓ, સિંગાપોર, US, UAEના મહાનુભાવો આ મેચ જોવા માટે આવશે. ત્યારે તંત્ર દ્વારા મહેમાનોના આગમનને લઈને તમામ તૈયારીઓ કરી લેવામાં આવી છે.