ક્રિકેટ / ટીમ ઈન્ડિયાના મોટા ખેલાડીઓ હંમેશા અમારા ઉપર...: મેચને લઈને અમ્પાયરે કર્યો મોટો ધડાકો, ક્રિકેટજગતમાં ખળભળાટ

• અમ્પાયર નીતિન મેનન ખૂબ જ પ્રખ્યાત થઈ ગયા છે
• હાલમાં તે ICCની એલિટ પેનલનો પણ એક ભાગ છે
• ટીમ ઈન્ડિયાની મેચ દરમિયાન ઘણું દબાણ હોય - મેનન 

ભારતના અમ્પાયર નીતિન મેનન છેલ્લા ઘણા વર્ષોથી ખૂબ જ પ્રખ્યાત થઈ ગયા છે. હાલમાં તે ICCની એલિટ પેનલનો પણ એક ભાગ છે. તે એશિઝ સીરિઝ 2023માં અમ્પાયરોની યાદીમાં પણ સામેલ છે. મેનન ICC દ્વારા આયોજિત T20 વર્લ્ડ કપ 2021 અને 2022 બંનેમાં અમ્પાયરિંગ કરતા જોવા મળ્યા હતા. આ સિવાય તે ઈંગ્લેન્ડના પ્રવાસે પણ ગયો હતો જ્યાં તેણે સાઉથ આફ્રિકા સીરિઝ દરમિયાન અમ્પાયરિંગ કરી હતી. જૂન 2020 માં ICC એલિટ પેનલનો ભાગ બન્યા ત્યારથી તેને 15 ટેસ્ટ, 24 ODI અને 20 T20 આંતરરાષ્ટ્રીય મેચોમાં અમ્પાયરિંગ કર્યું છે અને તે આવતા મહિને એશિઝમાં પણ ડેબ્યૂ કરશે.

EXCLUSIVE | VIDEO: "When India play in India, there is a lot of hype. A lot of big stars in the Indian team try to create pressure on you; they always try to get those 50-50 decisions in their favour," Elite panel umpire Nitin Menon tells PTI. pic.twitter.com/t0xRNBxGlK

— Press Trust of India (@PTI_News) June 16, 2023

એશિઝ ડેબ્યૂ પહેલા નીતિન મેનને એક ઈન્ટરવ્યુમાં કહ્યું કે ભારતમાં ટીમ ઈન્ડિયાની મેચ દરમિયાન ઘણું દબાણ હોય છે પણ આ દબાણે તેને આગળ વધવામાં ઘણી મદદ કરી છે. તે જ સમયે, આ દબાણને કારણે તેના માટે વિદેશમાં યોજાનારી મેચોમાં અફિશિએટ કરવાનું સરળ બન્યું છે. નોંધનીય છે કે તાજેતરમાં નીતિન મેનન અને વિરાટ કોહલી વચ્ચે કેટલાક નિર્ણયોને લઈને ઘણા અહેવાલો આવ્યા હતા. સોશિયલ મીડિયા પર પણ બંનેની ખૂબ ચર્ચા થઈ રહી છે. હવે મેનને ટીમ ઈન્ડિયાના મોટા ખેલાડીઓનું નામ લીધા વગર મોટું નિવેદન આપ્યું છે

નીતિન મેનને ઈન્ટરવ્યુમાં કહ્યું હતું કે જ્યારે ટીમ ઈન્ડિયા ભારતમાં રમે છે ત્યારે ખૂબ જ હાઈપ થાય છે. ટીમ ઈન્ડિયાના ઘણા મોટા ખેલાડીઓ મારા પર અથવા કોઈપણ પર દબાણ બનાવવાનો પ્રયાસ કરે છે. તે હંમેશા પોતાના પક્ષમાં 50-50 નિર્ણય લેવા માંગે છે પણ જો અમે અમ્પાયરો પોતાને કંટ્રોલ કરી લઈએ અને પ્રેશરને કંટ્રોલ કરી લઈએ તો અમારું ફોકસ આ દબાણ પર નથી જતું. સાથે જ તે અમને જણાવે છે કે અમે આવી પરિસ્થિતિઓને મક્કમતાથી હેન્ડલ કરવા માટે સક્ષમ છીએ અને ખેલાડીઓ દ્વારા બનાવેલા દબાણને વશ ન થઈએ. આનાથી મને ઘણો આત્મવિશ્વાસ મળ્યો છે. 

Nitin Menon will be the umpire for the 3rd Ashes Test. [TOI] pic.twitter.com/HPGwIZlZwq

— Johns. (@CricCrazyJohns) June 12, 2023

નીતિન મેનન એશિઝ સિરીઝની ત્રીજી ટેસ્ટ મેચમાં અમ્પાયરિંગ કરશે. આ પહેલા તેણે એમ પણ કહ્યું હતું કે આંતરરાષ્ટ્રીય અમ્પાયરોની પેનલમાં ભારતનું પ્રતિનિધિત્વ કરવું મારા માટે મોટી જવાબદારી છે. મને શરૂઆતમાં અનુભવ નહોતો પરંતુ છેલ્લા ત્રણ વર્ષમાં મને અમ્પાયર તરીકે આગળ વધવામાં મદદ મળી છે. એશિઝ અંગે તેણે કહ્યું કે તે એક સારી સીરિઝ હશે. હું ગયા વર્ષે દક્ષિણ આફ્રિકા સીરિઝ દરમિયાન પણ ઈંગ્લેન્ડમાં હતો. તેથી હું જાણું છું કે શું થઈ શકે છે. ઓસ્ટ્રેલિયાનું પેસ આક્રમણ મજબૂત છે અને ઈંગ્લેન્ડની ટીમ જે રીતે રમી રહી છે, તે ટેસ્ટ ક્રિકેટને એકદમ નવા સ્તરે લઈ જઈ રહી છે.