- સ્વાદ માટે કેફીનયુક્ત ચામાં ખાંડ ઉમેરવામાં આવે છે
- જેનાથી તમને ડાયાબિટીસની સમસ્યા પણ થઈ શકે છે
- બ્લેક ટી હોય કે ગ્રીન ટી બંનેમાં કેફીન હોય છે
ચા ભારત દેશમાં પીવામાં આવતા લોકપ્રિય પીણાંમાંનું એક છે. લોકોના દિવસની શરૂઆત ચાના કપથી થાય છે અને દિવસનો અંત પણ ચાની ચુસ્કી સાથે થાય છે. ખાસ કરીને શિયાળામાં લોકો ઠંડીથી બચવા માટે સતત ચા પીતા હોય છે. વધુ માત્રામાં તેનું સેવન કરવું સ્વાસ્થ્ય માટે હાનિકારક હોઈ શકે છે. વધુ પડતી ચા પીવાથી તમને અનેક રોગો થવાનું જોખમ વધી શકે છે. કોઈપણ ચા, પછી તે ગ્રીન ટી હોય કે બ્લેક ટી, દરેકમાં કેફીન હોય છે. જે ધીમે-ધીમે તમારા સ્વાસ્થ્યને અસર કરવા લાગે છે. જાણો વધુ પડતાં ચાનાં સેવનનાં કારણે થતાં નુકસાન વિશે.
બ્લડ સુગર લેવલ
સ્વાદ માટે કેફીનયુક્ત ચામાં ખાંડ ઉમેરવામાં આવે છે. જેનું વારંવાર સેવન કરવાથી શરીરમાં સુગર લેવલનું અસંતુલન થાય છે. જેનાથી તમને ડાયાબિટીસની સમસ્યા પણ થઈ શકે છે.
ફાઈન લાઈન્સ અને કરચલીઓ
ચાના વધુ પડતા સેવનથી પહેલા ચહેરા પર ઝીણી રેખાઓ આવે છે અને પછી આ ફાઈન લાઈન્સ કરચલીઓમાં ફેરવાઈ જાય છે. જેના કારણે તમે તમારી ઉંમર કરતા મોટા દેખાવા લાગો છો. શું તમે પણ તમારી ઉંમર કરતા મોટા દેખાવા ઈચ્છો છો, જો નહીં તો વધુ પડતું ચાનું સેવન ટાળો.
વાંચવા જેવું: જાપાનીઝ હર્બલ ટી, જે આપે છે અનેક બીમારીઓથી રક્ષણ, જેના એક નહીં અનેક છે ફાયદા
ડિહાઇડ્રેશનની સમસ્યા
બ્લેક ટી હોય કે ગ્રીન ટી બંનેમાં કેફીન હોય છે. જે ડિહાઇડ્રેશનનું કારણ બને છે. આવું એટલા માટે થાય છે કારણ કે વધુ પડતી ચા પીવાથી તમને વારંવાર પેશાબ લાગે છે અને ખૂબ જ પેશાબ થાય છે અને પછી પૂરતું પાણી ન પીવાથી ડિહાઇડ્રેશન થાય છે.
વજન વધવા લાગે છે
ચામાં ખાંડ હોય છે. જો તમે એક કપ ચામાં એક ચમચી ખાંડ લો અને દિવસમાં ચારથી પાંચ કપ ચા પીતા હોવ તો સમજી લો કે તમે ચા સાથે ઘણી ચમચી ખાંડ પીઓ છો. જેના કારણે તમારું વજન ઝડપથી વધવા લાગે છે.
