મહેસાણા / '5થી વધુ વખત દિલ્લી લઈ ગયા, ટિકિટ લેવામાં જ મારા ભાઈએ જીવ ગુમાવ્યો' કિરીટ પટેલના પરિવારના ધગધગતા આરોપ

• મહેસાણા અર્બન બેંકનાં ડિરેક્ટર કિરીટ પટેલનો આપઘાત મામલો
• મહેસાણા પોલીસ દ્વારા તપાસમાં બેદકારી દાખવ્યો હોવાનો આક્ષેપ
• સમગ્ર કેસની તપાસ સાબરકાંઠા Dysp  ને સોંપવામાં આવી

 મહેસાણા અર્બન બેંકનાં ડિરેક્ટર કિરીટ પટેલ આપઘાતનો કેસની તપાસ હવે સાબરકાંઠા પોલીસને સોંપાઈ છે. ત્યારે સાબરકાંઠા Dysp  પાયલ સોમેશ્વરને તપાસ સોંપાઈ છે. સાબરકાંઠા પોલીસ સાથે 3 રાજ્યની પોલીસ પણ તપાસ કરશે. કિરીટ પટેલ સાથે છેંતરપિંડી કેસમાં મહેસાણા પોલીસે ઢીલીનીતિ દાખવી હતી. મહેસાણાના એસપી અચલ ત્યાગીને ફરિયાદ કરી હોવા છતાં કોઈ કાર્યવાહિ થઈ ન હતી. કિરીટ પટેલ સ્યુસાઈડ નોટમાં ઢીલી તપાસનો આરોપ લગાવ્યો હતો. કિરીટ પટેલને બેચરાજીની ટિકિટ આપવાનાં બહાને 5 લોકોએ ઠગાઈ કરી હતી. વિધાનસભાની ટિકિટ આપવાનાં બહાને 2.4 કરોડની ઠગાઈ કરી હતી.

પોલીસ એક નિવેદન નોંધવામાં બે થી ત્રણ કલાક જેટલો સમય કાઢે છેઃ નરેન્દ્રભાઈ પટેલ
આ બાબતે મૃતકનાં ભાઈ નરેન્દ્રભાઈ પટેલે જણાવ્યું હતું કે અહીંયા જાણે અમે ગુનેગાર હોઈએ તે રીતે એક સાથે પોલીસની પાંચ છ ગાડીઓ આવે છે. અને આખો દિવસ ધમપછાડા અને નિવેદનો કરે છે. તેમજ એક વ્યક્તિનું નિવેદન નોંધવામાં બે થી ત્રણ કલાક જેટલો સમય કાઢે છે.  એટલે અમને એવું લાગે છે કે આ પોલીસ ઉપરથી જે કંઈ પ્રેશર કે દબાણ હોય એનાં કારણે આ લોકો ક્યાં તો વિદેશ ભાગી જાય અથવા તો આગોતરા લઈ લે એ માટે પોલીસ દ્વારા ઢીલી નીતી રાખવામાં આવી છે. 

  ખૂબ જ મજબૂત અને રાજકારણમાં ખૂબ જ સક્રિય હતાઃ પ્રવિણાબેન
આ બાબતે મૃતકનાં બહેન પ્રવિણાબેને જણાવ્યું હતું કે, તેઓ ખૂબ જ સરળ પ્રભાવનાં હતા. ખૂબ જ મજબૂત હતા. તેમજ રાજકારમાં પણ તેઓ ખૂબ જ સક્રિય હતા. પણ એમનું કામ પોલીસ ન સાંભળે મોઢેરા પોલીસ, મહેસાણા પોલીસ બધે ધક્કા ખાતા હતા. પરંતું કોઈએ તેમની વાત સાંભળી નહી. એટલે તેમણે આ પગલું ભર્યું.