પિટાઈ ગયા પ્રધાનજી / VIDEO : 'એ તો લુચ્ચો છે', મહિલાએ મંત્રી સામે ખોલી સરપંચની પોલ, સભા હસી-હસીને ગોટે ચઢી

• યુપીના મંત્રી સ્વતંત્ર દેવ સિંહની સભામાં સરપંચની બેઈજ્જતી
• મંત્રીએ પ્રધાનને લઈને સવાલ પૂછતા મહિલા બોલી ગઈ સાચું
• સરપંચને લુચ્ચો ગણાવતાં સભા હસી-હસીને ગોટે ચઢી 

કેન્દ્રની મોદી સરકારના 9 વર્ષ પૂરા થવાના અવસરે યુપીના કેબિનેટ મંત્રી સ્વતંત્ર દેવ સિંહની સભામાં એક મજાનો ઘાટ જોવા મળ્યો હતો જેમાં એક મહિલાએ સરપંચ સામે જોઈને તેમને લુચ્ચા ગણાવી દેતા સભામાં હાસ્ય ફેલાઈ ગયું હતું. 

स्वतंत्र देव सिंह, मंत्री उत्तरप्रदेश सरकार: इनको पहचानती हैं? प्रधान जी को? इन्होंने पानी पहुँचाया है।

महिला: इनको सब पहचानते हैं। सब जानते हैं लुच्चा है।pic.twitter.com/28gyFclP8k

— Ritu Choudhary (@RituChoudhryINC) June 15, 2023

શું બન્યું કેબિનેટ મંત્રીની સભામાં  
મંત્રી સ્વતંત્ર દેવ સિંહનો એક વીડિયો સોશિયલ મીડિયા પર વાયરલ થઈ રહ્યો છે. જેમાં તે મહિલાઓને પ્રધાન વિશે પ્રશ્નો પૂછે છે, ત્યારબાદ એક મહિલાએ પ્રધાનને લુચ્ચા ગણાવી દીધઆ હતા. મહિલાનો જવાબ સાંભળીને મંત્રી ભોંઠા પડી ગયા જોકે તેમણે પરિસ્થિતિ સંભાળીને વા ચાલુ રાખી.  કેન્દ્રની નરેન્દ્ર મોદી સરકારના 9 વર્ષ પૂર્ણ થવાના અવસર પર સ્વતંત્ર દેવ સિંહ લખીમપુર ખીરી પહોંચીને જનતાને કામ જણાવ્યું હતું. એક જનસભામાં મંત્રી સ્વતંત્ર દેવ સિંહે મંચ પરથી મહિલાઓને પૂછ્યું કે, શું તમે આ પ્રધાનજી જાણો છો, તેઓ જ તમને પાણી પહોંચાડી રહ્યાં છે. 
સ્વતંત્ર દેવ સિંહના સવાલ પર એક મહિલા સાચી બોલી. તેણે સરપંચને પોલ ખોલતાં કહ્યું કે "તેમને કોણ નથી ઓળખતું, બધા જાણે છે, એ લુચ્ચો છે. 

સભા ખડખડાટ હસી 
મહિલાનો જવાબ સાંભળીને ત્યાં હાજર તમામ લોકો હસવા લાગ્યા. આ પછી, સ્વતંત્ર દેવસિંહે મહિલાને બેસવાનો ઇશારો કર્યો અને કહ્યું - 'ઠીક છે, બેસી જાઓ, બેસી જાઓ'. કોઈ ચતુરે આ ઘટનાનો વીડિયો બનાવીને ઉતારી લીધો અને સોશિયલ મીડિયામાં મૂક્યો જે વાયરલ થયો હતો.