- સુષ્મિતા સેને આર્યા 3 માટે શૂટિંગ શરૂ કરી દીધું છે
- સુષ્મિતાએ ટ્વિટર પર વીડિયો શેર કર્યો
- હાર્ટ એટેક બાદ શૂટ પર કમબેક કર્યું
સુષ્મિતા સેનને થોડા સમય પહેલા હાર્ટ એટેક આવ્યો હતો, ત્યારબાદ એક્ટ્રેસની સર્જરી કરવામાં આવી હતી, જે બાદ હવે એક્ટ્રેસ સ્વસ્થ થઈને પોતાના કામ પર પરત ફરી છે. જણાવી દઈએ કે તેને તેની આવનારી વેબ સિરીઝ આર્યા 3 માટે શૂટિંગ શરૂ કરી દીધું છે અને આ સીરિઝના સેટ પરથી એક્ટ્રેસનો એક વીડિયો સોશિયલ મીડિયા પર વાયરલ થઈ રહ્યો છે.
સુષ્મિતાએ ટ્વિટર પર વીડિયો શેર કર્યો છે
આપણે બધા જાણીએ છીએ કે સુષ્મિતા સેન સોશિયલ મીડિયા પર ઘણી એક્ટિવ છે અને અવારનવાર સોશિયલ મીડિયા પર ફેન્સ સાથે તેના ફોટા અને વીડિયો શેર કરતી રહે છે. એવામાં તાજેતરમાં સુષ્મિતાએ તેના ટ્વિટર એકાઉન્ટ પર એક વીડિયો શેર કર્યો છે અને આ વીડિયો દરમિયાન સુષ્મિતા સેન તલવારબાજી કરતી જોવા મળી રહી છે. એ વાયરલ વિડીયોમાં તે બ્લેક આઉટફિટમાં દેખાઈ રહી છે અને અને હંમેશની જેમ તેના અદભૂત અવતારમાં જોવા મળી. આ વિડિયો શેર કરતાં તેણે કેપ્શનમાં લખ્યું છે કે- તે મતલબી છે, તે નીડર છે, હવે તે પાછી આવી ગઈ છે. આર્ય સીઝન 3નું શૂટિંગ ફરી શરૂ થયું.
હાર્ટ એટેક બાદ શૂટ પર કમબેક કર્યું
હાલ વાયરલ થયેલ એ વીડિયોમાં અભિનેત્રી સંપૂર્ણ રીતે ફિટ દેખાઈ રહી છે અને મહત્વની વાત એ છે કે વીડિયોમાં તે પોતાની તલવારબાજીનું કૌશલ્ય બતાવી રહી છે. આ સાથે જ આ વિડિઓમાં તે ત્રીજી સીઝન માટે લખવામાં આવ્યું છે - ત્રીજા રાઉન્ડનો સમય છે.
જણાવી દઈએ કે સુષ્મિતાને ગયા મહિને હાર્ટ એટેક આવ્યો હતો, જેના વિશે અભિનેત્રીએ પોતાની પોસ્ટમાં ખુલાસો કર્યો હતો. હાર્ટ એટેકના કારણે અભિનેત્રીએ એન્જીયોપ્લાસ્ટી સર્જરી કરાવી હતી. હાલમાં સુષ્મિતા સંપૂર્ણપણે ફિટ છે અને શૂટિંગમાં પરત ફરી છે. આ સિવાય સુષ્મિતાએ હાલ જ તેની આવનારી ફિલ્મ તાલીનું ડબિંગ પૂર્ણ કર્યું છે. આ ફિલ્મમાં અભિનેત્રી શ્રી ગૌરી સાવંતનું પાત્ર ભજવી રહી છે.
