IPL 2023 / સૂર્યકુમાર યાદવનો IPLમાં દબદબો: એક જ મેચમાં કર્યા એકસાથે 3 રેકોર્ડ પોતાને નામ, પૂરા કર્યા 3000 રન

• સૂર્યકુમાર યાદવે શાનદાર બેટિંગ કરી
• સૂર્યાકુમારે સામે મોટી ઇનિંગ રમતા સાથે જ ત્રણ મોટા રેકોર્ડ પોતાના નામે કરી લીધા
• સૂર્યાએ નેહલા વડેરા સાથે સદીની ભાગીદારી કરીને મુંબઈને જીત સુધી પહોંચાડ્યું

Suryakumar Yadav Record: મુંબઈ ઈન્ડિયન્સે RCBને ધમાકેદાર 6 વિકેટે હરાવ્યું. પ્રથમ બેટિંગ કરતા RCBની ટીમે મુંબઈને 200 રનનો ટાર્ગેટ આપ્યો હતો જેને મુંબઈની ટીમે આસાનીથી હાંસલ કરી લીધો હતો. મુંબઈ તરફથી સૂર્યકુમાર યાદવે શાનદાર બેટિંગ કરી હતી. તેણે પોતાની શાનદાર બેટિંગથી બધાના દિલ જીતી લીધા હતા. તેણે આરસીબી સામે મોટી ઇનિંગ રમતા સાથે જ ત્રણ મોટા રેકોર્ડ પોતાના નામે કરી લીધા.

How can we not say: We love you 3️⃣0️⃣0️⃣0️⃣, SKY! 💙#OneFamily #MIvRCB #MumbaiMeriJaan #MumbaiIndians #IPL2023 @surya_14kumar pic.twitter.com/IEpJDcTfJE

— Mumbai Indians (@mipaltan) May 9, 2023

સૂર્યકુમાર યાદવે કર્યો કમાલ  
આરસીબી સામે મુંબઈ ઈન્ડિયન્સની શરૂઆત સારી રહી ન હતી. જ્યારે કેપ્ટન રોહિત શર્મા માત્ર 7 રન બનાવીને પેવેલિયન પરત ફર્યો હતો, ઇશાન કિશનની વિકેટ પડી હતી, જે બાદ રોહિતની વિકેટ પડી હતી અને સૂર્યકુમારે નેહલા સાથે પાર્ટનરશિપ કરી હતી. ઈશાન 42 રન બનાવીને આઉટ થયો હતો. ત્યારબાદ સૂર્યાએ નેહલા વડેરા સાથે સદીની ભાગીદારી કરીને મુંબઈને જીત સુધી પહોંચાડ્યું હતું. બંનેએ ત્રીજી વિકેટ માટે 140 રનની ભાગીદારી કરી હતી. સૂર્યાએ 35 બોલમાં 83 રન બનાવ્યા જેમાં 7 ચોગ્ગા અને 6 લાંબા છગ્ગાનો સમાવેશ થાય છે. આ સાથે તેણે IPLમાં 3000 રન પૂરા કરી લીધા છે.

IPLમાં લગાવ્યો અનોખો શતક 
સૂર્યકુમાર યાદવે RCB સામે પોતાની ઇનિંગમાં 6 સિક્સર ફટકારી હતી. આ સાથે તેણે IPLમાં પોતાની 100 સિક્સર પૂરી કરી લીધી છે. આઈપીએલમાં સૂર્યાનો સર્વશ્રેષ્ઠ સ્કોર આરસીબી સામે 83 રન છે. તે 2012થી આઈપીએલમાં રમી રહ્યો છે. તે IPLમાં મુંબઈ ઈન્ડિયન્સ અને કોલકાતા નાઈટ રાઈડર્સ તરફથી રમી ચૂક્યો છે. તેણે અત્યાર સુધી IPLની 134 મેચમાં 3020 રન બનાવ્યા છે. આઈપીએલમાં તેણે 145.47ની સ્ટ્રાઈક રેટથી રન બનાવ્યા છે.

મુંબઇ ઇન્ડિયન્સને થયો ફાયદો 
RCB સામેની મેચની શરૂઆત પહેલા મુંબઈ ઈન્ડિયન્સની ટીમ 8માં નંબર પર હતી, પરંતુ આ જીત સાથે ટીમ પોઈન્ટ ટેબલમાં સીધા ત્રીજા નંબર પર પહોંચવામાં સફળ રહી છે. મુંબઈના 11 મેચમાં 6 જીત સાથે 12 પોઈન્ટ છે અને તેનો રન રેટ માઈનસ 0.255 છે. મુંબઈને પ્લેઓફમાં જગ્યા બનાવવા માટે તેની બાકીની મેચો જીતવી પડશે.