આસ્થા / સાચવજો! ત્રણ રાશિના જાતકો માટે 30 દિવસ ભારે, ગ્રહોના મહારાજ સૂર્ય કન્યા રાશિમાં કરી રહ્યા છે ગોચર

• ત્રણ રાશિના જાતકો માટે 30 દિવસ ભારે
• 17 સપ્ટેમ્બરે કન્યા રાશિમાં સૂર્ય કરશે ગોચર
• કોઈ પણ રાશિમાં 30 દિવસ રહે છે સૂર્ય 

જ્યોતિષ શાસ્ત્રમાં સૂર્યને નવગ્રહોના રાજા કહેવામાં આવે છે. તે આત્મા, પિતા, સરકાર, શક્તિ અને અધિકારના કારક માનવામાં આવે છે. કુંડળીમાં સૂર્યની મજબૂત સ્થિતિ મનુષ્યને સન્માન અને સફળતા આપે છે. 

સૂર્ય મહારાજને એક રાશિથી બીજી રાશિમાં પરિવર્તન કરવામાં એક મહિનાનો સમય લાગે છે. સૂર્ય 17 સપ્ટેમ્બરે 2023 સવારે 7.11 વાગ્યે કન્યા રાશિમાં ગોચર કરશે. સૂર્યનું આ ગોચર અમુક રાશિ માટે સારી નહીં રહે. જાણો તે રાશિઓ કઈ છે. 

તુલા 
સૂર્યનું ગોચર તુલા રાશિના લોકો માટે સારૂ નહીં રહે. આ રાશિના જાતકોને રૂપિયા પૈસા સાથે જોડાયેલી મુશ્કેલીઓનો સામનો કરવો પડી શકે છે. સૂર્યનું ગોચર તમારા માટે નકારાત્મક પરિણામ લાવશે. 

આ સમયે તમારૂ ધન ક્યાંક ફસાઈ શકે છે. રોકાણમાં પણ મુશ્કેલીઓ આવી શકે છે. આ રાશિના લોકો કોઈ બિઝનેસ સાથે જોડાયા હશે તો તેમાં પણ નુકસાન ઉઠાવવું પડી શકે છે. ઘરમાં સદસ્યોની સાથે માનસિક તણાવ આવી શકે છે. 

કુંભ 
આ રાશિના સ્વામી શનિ છે અને પોતાના પિતા સૂર્ય દેવની સાથે તેમના સંબંધ સારા નથી માનવામાં આવતા. સૂર્યના રાશિ પરિવર્તનથી કુંભ રાશિના લોકોને નકારાત્મક પરિણામ મળી શકે છે. કુંભ રાશિ માટે આ ગોચર શુભ નહીં રહે. 

આ ગોચરમાં તમારા દ્વારા લેવામાં આવેલા બધા જ નિર્ણય ખોટા સાબિત થઈ શકે છે. ઘરમાં ભાઈ-બહેનોની સાથે તમને મતભેદ થઈ શકે છે. સૂર્યનો નકારાત્મક પ્રભાવ પડવાથી સ્વાસ્થ્ય બગડી શકે છે. 

મીન 
સૂર્ય ગોચર મીન રાશિના લોકોના પારિવારિક જીવન પર વિપરીત પ્રભાવ કરે છે. જીવનસાથીની સાથે તમારો ગંભીર મતભેદ થઈ શકે છે. તમે આર્થિક તંગીથી પણ ઘેરાઈ શકો છો. આ ગોચર તમને શારીરિક અને માનસિક બન્ને પ્રકારની મુશ્કેલી આપી શકે છે. 

તમારી તબિયત બગડી શકે છે. આ સમયે તમારી વાણી પણ કઠોર થઈ શકે છે જેના કારણે તમને નુકસાન ભોગવવું પડી શકે છે. ઓફિસમાં કામનું પ્રેશર વધી શકે છે.