કાર્યવાહી / ટેક્સ ડિફોલ્ટરની ખેર નથી વાહન ડિટેઈનની કાર્યવાહી શરૂ, સુરત RTOએ 2500થી વધુ નોટિસ ફટકારી, આટલા લાખ વસુલ્યા

• ટેક્સ ડિફોલ્ટર સામે RTOની લાલ આંખ
• 2,500થી વધુ ઈશ્યુ કરાઇ નોટીસ 
• 78 લાખથી વધુની કરાઇ ટેક્સની વસુલાત 

સુરતમાં ટેક્સ ડિફોલ્ટર સામે RTOએ લાલ આંખ કરી છે. ટેક્સ ન ભરનાર વાહન માલિકો વિરોદ્ધ નોટિસ ફટકારવામાં આવી છે. 2 હજાર 500થી વધુ નોટીસ ઇશ્યુ કરવામાં આવી છે. જેમાં 108 જેટલી મોટા ટેક્સ ડિફોલ્ટરને નોટીસ અપાઇ છે 

સુરતમાં ટેક્સ ડિફોલ્ટર સામે RTOની લાલ આંખ
સુરતમાં RTO કચેરી એક્શન મોડમાં હોય તેવું જણાઈ રહ્યું છે. ટેક્સ ન ભરનાર વાહન માલિકો વિરોધ RTO એક્શનમાં આવ્યું છે. 2500 જેટલી ડિફોલ્ટરો વિરોધ નોટિસ ઈશ્યું કરવામાં આવી છે. ટેક્સ ડિફોલ્ટરોએ 12 મહિનાથી ટેક્સ ન ભર્યો હતો. 78 લાખથી વધુની ટેક્સની વસુલાત કરવામાં આવી છે. 15થી વધુ કંપનીઓને પણ નોટીસ આપવામાં આવી છે. 

સુરત RTO અધિકારીનું નિવેદન
સુરત RTO અધિકારી એમ આર ગજ્જર  અધિકારીએ જણાવ્યું કે, જે વાહના માલિકો દ્વારા ટેક્સ ભરવામાં નથી આવ્યા તેવા વાહન માલિકોને નોટિસ ઈશ્યુ કરવામાં આવી છે. તેમણે કહ્યું કે, નવેમ્બર અને ડિસેમ્બર મહિનાના 108 મોટા ડિફોલ્ટરો છે જેમના વાહનોનું ટેક્સ બાકી હતું. તેમણે જણાવ્યું કે, ગઈ કાલે એક બસ પણ ડિટેક્ટ કરવામાં આવેલી છે તે બસની વસુલાત 16 લાખ કરતા વધુ છે.