મંજૂરી / મોદી સરકારને મોટી રાહતઃ SC-ST અંગે એટ્રોસિટી સહિતના કાયદા માટે સુપ્રીમ કોર્ટની લીલીઝંડી

•  SC-ST સંશોધન 2018 કાયદાને લીલી ઝંડી
• 2018માં સંશોધનને સુપ્રીમકોર્ટે દ્વારા માન્ય

શું છે મામલો

20 માર્ચ 2018માં કોર્ટે SC-ST કાયદાનો દુરૂપયોગને ધ્યાનમાં લઇને આ અંગે મળનારી ફરિયાદોને લઇને આપોઆપ FIR  અને ધરપકડ માટેની જોગવાઇ પર સ્ટે મુકાયો હતો. ત્યારબાદ સંસદમાં કોર્ટના આદેશ પલટાવવા માટે કાયદામાં સંશોધન કરવામાં આવ્યું હતું. સંશોધિત કાયદાની માન્યતાને સુપ્રીમ કોર્ટમાં પડકારવામાં આવી હતી. 
 

Supreme Court upholds the constitutional validity of SC/ST (Prevention of Atrocities) Amendment Act, 2018 that ruled out any provision for anticipatory bail for a person accused of atrocities against SC/STs. pic.twitter.com/C2LMBwZiO8

— ANI (@ANI) February 10, 2020

સુપ્રીમ કોર્ટે આ અગાઉ આપ્યો હતો નિર્ણય

સુપ્રીમ કોર્ટે 20 માર્ચ 2018માં SC-ST એક્ટમાં FIR પહેલા પ્રાથમિક તપાસની જોગવાઇ કરવામાં આવી હતી. જ્યારે ધરપકડની જોગવાઇમાં થોડી રાહત કરતાં આગોતરા જામીનની વ્યવસ્થા પણ કરવામાં આવી હતી. સુપ્રીમ કોર્ટે જણાવ્યું હતું કે આ મામલાઓમાં કેસ દાખલ કરતાં અગાઉ SSP સ્તરના અધિકારીની મંજૂરી જરૂરી છે. આ સાથે સુપ્રીમ કોર્ટે એમ પણ જણાવ્યું હતું કે જો સરકારી કર્મચારી અથવા અધિકારી ઉપર આ એક્ટને લઇને મામલો બને છે તો તેની ધરપકડ કરતાં પહેલા વિભાગની મંજૂરી મેળવાની રહેશે.

સરકારે સુપ્રીમ કોર્ટના નિર્ણયમાં કર્યો હતો ફેરફાર

કેન્દ્ર સરકારે SC-ST એક્ટ (સંશોધન) હેઠળ ધરપકડ કોઇપણ આરોપીની આગોતરા જામીન પરની જોગવાઇ પર રોક લગાવે છે. તેના પર કેન્દ્ર સરકારે સુપ્રીમ કોર્ટના બે જ્જોની બેંચના આ નિર્ણય પર અસંમતિ દર્શાવતા પુનર્વિચાર અરજી દાખલ કરી હતી. 

SC-ST એક્ટ પર સુપ્રીમ કોર્ટના નિર્ણય  બાદ દેશભરમાં વિરોધ પ્રદર્શન થયા હતા. ખાસ કરીને દલિત સમાજના લોકોએ અનેક સ્થળો પર બજાર બંધ કરાવ્યાં હતા. ત્યારબાદ કેન્દ્ર સરકાર દ્વારા આ નિર્ણયને બદલવાનો નિર્ણય લેવામાં આવ્યો હતો.