બોલિવુડ / 'માય બેબી, જેક્લીન....', સુકેશે જેલમાંથી ફરી લખ્યો લવ લેટર, ખોલ્યા નવા રાજ, કહ્યું વાયદો નિભાવી રહ્યો છું

• સુકેશે જોયો ફિલ્મફેર એવોર્ડ
• જેકેલીનની બર્થ ડે પર સપરાઇઝ આપવાની કરી તૈયારી
• સુકેશે કર્યા જેકલીનના ભરપુર વખાણ 

sukesh birthday gift for jacqueline: 200 કરોડની છેતરપિંડી કરવાના આરોપમાં દિલ્હીની મંડોલી જેલમાં બંધ સુકેશ ચંદ્રશેખરે બોલિવૂડ અભિનેત્રી જેકલીન ફર્નાન્ડીઝને નવો પત્ર લખ્યો છે. આ પત્રમાં સુકેશ ચંદ્રશેખરનો દાવો છે કે અભિનેત્રી જેકલીન તેની ગર્લફ્રેન્ડ છે અને તેઓ બંને એકબીજાને ખૂબ પ્રેમ કરે છે. જોકે, સુકેશ અને જેકલીનની ઘણી તસવીરો સોશિયલ મીડિયા પર વાયરલ થઈ ચૂકી છે. જેકલીન પણ આ મામલે જામીન પર બહાર છે. એજન્સીએ જેકલીનની અનેકવાર પૂછપરછ કરી છે. જેકલીનને લખેલા નવા પત્રમાં સુકેશ ચંદ્રશેખરે લખ્યું છે કે, તારા જન્મદિવસ માટે એક સુપર સરપ્રાઈઝ તૈયાર છે. આ સાથે સુકેશે ઘણા બધા રહસ્યો ખોલ્યા. ચાલો તેના વિશે જાણીએ.

સુકેશનો નવો લેટર
'માય લવ, માય બેબી જેકલીન, મેં 28મી એપ્રિલે ફિલ્મફેર એવોર્ડ્સ જોયા, મને લાગે છે કે તમે આઉટસ્ટેંડિંગ હતા અને તમારું પરફોર્મન્સ બેસ્ટ હતું. આખા શોમાં તમારો ડાન્સ શો સ્ટોપર હતો, તમે એલિગેન્ટ, ક્લાસી, સુપર-હોટ છો. તમે મને ફરીથી તમારા પ્રેમમાં વધુ પાગલ કરી દીધો છે. મારી પાસે શબ્દો નથી, તમે સુપરસ્ટાર છો. પત્રમાં એવું પણ લખ્યું છે કે, મારા જીવનમાં તને મળીને હું ધન્ય છું. હું તમને ખૂબ પ્રેમ કરું છું, દરેક સેકન્ડ તમારા માટે છે, તમે જાણો છો કે હું તમને કેટલો પ્રેમ કરું છું, એ પણ જાણો કે તમે મને કેટલો પ્રેમ કરો છો.

જેકેલીનના બર્થ ડે પર સુપર સપ્રાઇઝ 
લેટરમાં સુકેશે આગળ લખ્યું કે હું તને ખૂબ યાદ કરું છું. તમારા જન્મદિવસ માટે મારી પાસે એક સુપર સરપ્રાઈઝ છે, તમને તે ગમશે. હું મારું વચન પાળી રહ્યો છું. રાહ નહીં જોવાય. હું ફક્ત એટલું જ ઈચ્છું છું કે તમે હસતા રહો. હું અહીં છું સત્ય માટે કાઉન્ટડાઉન શરૂ થઈ ગયું છે. ચિંતા કરશો નહીં.

જેકલીનની કર્યા વખાણ
ઉલ્લેખનીય છે કે, ગયા મહિને પણ સુકેશે જેકલીનને એક પત્ર લખ્યો હતો. તેમાં સુકેશે જેકલીનને ઈસ્ટરની શુભેચ્છા પાઠવી હતી. સુકેશે પત્રમાં એમ પણ લખ્યું છે કે, તે અભિનેત્રી સાથે તહેવારની ઉજવણી કરવાનું ચૂકી ગયો. આ સાથે સુકેશે જેકલીનના વખાણ કર્યા. સુકેશે લખ્યું કે, આ પૃથ્વી પર તમારા જેવું સુંદર કોઈ નથી.