રજૂઆત / ST યુનિયનના આગેવાનોની મંત્રી હર્ષ સંઘવી સાથે બેઠક : 19 પડતર પ્રશ્નો ગાજયા ! સાંજની બેઠકમાં થશે નગરે ઘા

• ST નિગમના પડતર પ્રશ્નોને લઇને ચાલતા આંદોલનનો મામલો
• યુનિયનના આગેવાનોની ગાંધીનગર ખાતે થઇ બેઠક
• અધિકારીઓ અને વાહન વ્યવહાર મંત્રી હર્ષ સંઘવી સાથે થઇ બેઠક

ST નિગમના પડતર પ્રશ્નોને લઇને કર્મચારીઓ આકરા પાણીએ થયા છે. ત્યારે આંદોલન મામલે હવે  યુનિયનના આગેવાનોએ ગાંધીનગર ખાતે વાહન વ્યવહાર મંત્રી હર્ષ સંઘવી સાથે બેઠક કરી હતી..જેમાં અલગ-અલગ 19 મુદ્દાને લઈ ચર્ચા કરવામાં આવી હતી. જેમાં મોંઘવારી ભથ્થુ,ફિક્સ પગાર વધારો, સિનિયર જુનિયર કર્મચારીઓના વેતન તફાવતનો મુદ્દો બાકી રહેલી ભરતી કરવા સહિતના મુદ્દા પર ચર્ચા કરવામા આવી હતી. હવે ગાંધીનગરમાં બેઠક બાદ યુનિયન દ્વારા રાણીપ ખાતે બેઠક કરવામાં આવશે. સાંજે 7 વાગ્યે મળનારી આ બેેઠકમાં આખરી નિર્ણય લેવામાં આવશે. 

ગઈકાલે કાર્યો હતો કર્મચારીઓએ વિરોધ

ગઈકાલે ફિક્સ પેના કર્મચારીઓને રાજ્ય સરકારના  ધારા ધોરણ મુજબ 19, 950નો લાભ આપવા તથા સિનિયર-જૂનિયર કર્મચારીઓના પગારની વિસંગતતા દૂર સહિતની માંગ સરકાર સુધી પહોંચાડવા માટે સુરત એસટી વિભાગના કામદારોએ એકઠા થઇ વિરોધ નોંધાવ્યો હતો. જેમાં 19 જેટલી પડતર માંગોને લઈ કાળી પટ્ટી બાંધી સૂત્રોચ્ચાર કરવામાં આવ્યા હતા. વધુમાં 3 તારીખ બાદ સામુહિક હડતાલ કરવાની પણ ચીમકી ઉચ્ચારી છે.

જામનગરમાં ST નિગમના કર્મચારીઓ વિરોધના માર્ગે
તે જ રીતે ગઈકાલે જામનગરમાં ST નિગમના કર્મચારીઓ પણ પોતાના પડતર પ્રશ્નોને લઇ વિરોધ નોંધાવ્યો હતો. કર્મચારીઓએ કાલાવડ નાકા બહાર આવેલ વિભાગીય કચેરી બહાર સૂત્રોચાર કર્યા હતા. વધુમાં  1200 જેટલાં કર્મચારીઓ આજથી એક સપ્તાહ કાળીપટ્ટી બાંધી વિરોધ નોંધાવશે. તથા જો કોઈ નિર્ણય નહિ આવે તો 2 તારીખથી STના પૈડાં થંભાવી દેવાની ચિમકી પણ આપી હતી.આ ઉપરાંત વડોદરા ST વિભાગના કર્મચારીઓએ  સકોર્સમાં વિભાગીય કચેરી ખાતે સૂત્રોચાર કરી વડોદરા ડિવિઝનના 1400 જેટલા કર્મચારીઓ આંદોલનમાં જોડાયા હતા.

 વધુમાં મહીસાગરના લુણાવાડામાં ST નિગમના કર્મચારીઓએ માંગ ન પુરી થતા રોષ ઠાલવ્યો હતો. ST વિભાગના કર્મચારીઓએ પડતર માગણીઓ પૂર્ણ કરોના સૂત્ર સાથે પટ્ટી ધારણ કરી વિરોધ કર્યો હતો. વધુમાં પડતર માંગો ન સ્વીકારતા કાળી પટ્ટી ધારણ કરી ફરજ પર જશે. તે બાબતે તમામ કર્મચારીઓ એક સુર થયા હતા.