ક્રેઝની અસર / IND vs PAK હાઈ વોલ્ટેજ મેચ પહેલાં જ ફ્લાઇટના રેટ આસમાને, ભાડું 1.45 લાખને પાર

IND vs PAK Match Craze: T20 વર્લ્ડ કપ 2026માં ભારત અને પાકિસ્તાન વચ્ચે મેચ રમાવાના નિર્ણય પછી કોલંબોની યાત્રા મોંઘી થઈ ગઈ છે. પાકિસ્તાનના 15 ફેબ્રુઆરીએ ભારત સાથે મેચ રમવાના નિર્ણય પછી કોલંબોની ફ્લાઇટ ટિકિટ અને ત્યાંનાં હોટલની ભાડું વધી ગયું છે. 14 અને 15 ફેબ્રુઆરીએ નવી દિલ્હી અને મુંબઈથી કોલંબો સુધીની ફ્લાઇટ્સ માટે ભાડું પાંચ ગણું ચૂકવવું પડી શકે છે.

માહિતી પ્રમાણે, 14 અને 15 ફેબ્રુઆરીએ દિલ્હી અને મુંબઈથી કોલંબોની ફ્લાઇટનું ભાડું એક પેસેન્જર માટે 1.45 લાખ રૂપિયા સુધી પહોંચી ગયું છે. સામાન્ય દિવસોમાં કોલંબોની સીધી ફ્લાઇટનું ભાડું 30 હજાર રૂપિયાની આસપાસ રહે છે. જ્યારે કોલંબોમાં મોટા હોટલના ભાડાં પણ 1.14 લાખ રૂપિયા સુધી પહોંચી ગયા છે.

દિલ્હીથી કોલંબો સુધીની નોનસ્ટોપ એર ઇન્ડિયાની ફ્લાઇટનું ભાડું 90,000 થી 1.09 લાખ રૂપિયા સુધી છે. મુંબઈથી 14 ફ્રેબ્રુઆરીએ એર ઇન્ડિયાની નોનસ્ટોપ ફ્લાઇટનું ભાડું 90,000 રૂપિયા સુધી છે. તો બીજી તરફ 14 અને 15 ફેબ્રુઆરીએ કોલંબોમાં થ્રી-સ્ટાર, ફોર-સ્ટાર અને ફાઇવ-સ્ટાર હોટલમાં એક રાતનું ભાડું 1.14 લાખ રૂપિયા સુધી છે. સામાન્ય દિવસોમાં કોલંબોમાં મોટી હોટલોમાં એક રૂમનું ભાડું 40,000 રૂપિયા સુધી હોય છે. જો કે નાની હોટલો અને ગેસ્ટ હાઉસમાં માત્ર બેથી ત્રણ હજાર રૂપિયામાં રૂમ મળી જશે.

અગાઉ પાકિસ્તાન ક્રિકેટ બોર્ડએ 15 ફેબ્રુઆરીએ ભારત સાથે મેચ રમવાનો ઇનકાર કરી દીધો હતો. જો કે આ પછી ICCએ હસ્તક્ષેપ કર્યો અને તેના પછી પાકિસ્તાન મેચ રમવા માટે રાજી થયું. બાંગ્લાદેશને T20 વર્લ્ડ કપ 2026માંથી બહાર કર્યા પછી તેનું સમર્થન કરવા માટે પાકિસ્તાને આ નિર્ણય લીધો હતો. જોકે, ICC, PCB અને BCB વચ્ચે વાતચીત પછી આ મામલાનો ઉકેલ આવી ગયો હતો.

આ પણ વાંચો: BCCIએ એવી કઈ માંગ ફગાવી, કે ભારતીય ખેલાડીઓને લાગ્યો મોટો ઝટકો

પાકિસ્તાન સરકારે સોમવારે મોડી રાત્રે ભારત સામે મેચ રમવાની પરવાનગી આપી હતી. આ પછીથી ફ્લાઇટ બુકિંગમાં તેજી આવી અને એ જ કારણે હવે ફ્લાઇટના ભાડાં મોંઘા થઈ ગયા છે. આ સિવાય ભારે માંગને કારણે શ્રીલંકાની હોટલોએ પણ ભાડાંમાં વધારો કર્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ