અમદાવાદ / સોલા સિવિલ હોસ્પિટલમાં દર્દીના મોતનો મામલોઃ બેદરકારી બદલ જવાબદાર કોણ?

• અમદાવાદમાં સોલા સિવિલમાં દર્દીના મોતનો મામલો 
• સોલા પોલીસે જાણવા જોગ નોંધી ફરિયાદ
• ગઇ કાલે ICUમાં નિપજ્યુ હતું દર્દીનું મોત 

ગઈકાલે ફ્યુમિગેશનના કારણે મચી અફરાતફરી મચી ગઈ હતી. પોસ્ટ ઓપરેટિવ વોર્ડમાં ફ્યુમિગેશનથી દર્દીઓને હાલાકી પડી હતી અને જંતુનાશક કેમિકલનું પ્રમાણ વધી જતા દર્દીઓને તકલીફ થઈ હતી.

અમદાવાદમાં એસજી હાઇવે પર હાઇકોર્ટ પાસે આવેલ સોલા સિવિલ હોસ્પિટલમાં ગઇકાલે પોસ્ટ ઓપરેટિવ વોર્ડને જંતુનાશનક કેમિકલ છાટવાંની પ્રક્રિયા દરમિયાન ફ્યુમિગેશન વધી જતાં વોર્ડમાં રહેલ દર્દીઓને તકલીફ જોવા મળી હતી. જો કે આ ઘટનામાં ડોકટરો સહિત દર્દીઓની આંખમાં બળતરા થવાની ઘટના સામે આવી હતી. 

જો કે આટલી મોટી ઘટના ઘટી હોવા છતાં સોલા સિવિલમાં દર્દીના મોતને મામલે સોલા પોલીસે જાણવા જોગ ફરિયાદ નોંધી છે. ગઈ કાલે ICUમાં દર્દીનુ મોત નિપજ્યુ હતું. જંતુનાશક દવાનો છટકાવથી મોત નિપજ્યુ હતું. 

જો કે સોલા સિવિલ હોસ્પિટની આ ઘટનાને લઇને સ્ટાફ સહિત તબીબોની બેદરાકીરનો દર્દીઓના સગાએ ભારે વિરોધ કર્યો હતો. જો કે મૃતક દર્દીના સગાએ જણાવ્યું હતું કે વોર્ડમાં આંખો બળવા લાગતા સ્ટાફ દર્દીને મુકીને બહાર જતો રહ્યો હતો. 

આવી પરિસ્થિતમાં દર્દીઓને બહાર કાઢવા અંગે કહેવામાં આવતાં હોસ્પિટલના સ્ટાફ દ્વારા ગેરવર્તૂણક જવાબ આપવામાં આવ્યો હતો.