- મોટાભાગના લોકોની ઊંઘ પૂરી થઈ શકતી નથી
- જેના કારણે સમય જતા મોટી સમસ્યા થઈ શકે છે
- ઊંઘ પૂરી ના થવાને કારણે આરોગ્ય પર ખરાબ અસર થાય છે
આજની બિઝી લાઈફમાં મોટાભાગના લોકોની ઊંઘ પૂરી થઈ શકતી નથી. અનેક લોકો આ બાબતને નાની સમસ્યા સમજીને નજરઅંદાજ કરી દે છે, જેના કારણે સમય જતા મોટી સમસ્યા થઈ શકે છે. તાજેતરમાં થયેલ સ્ટડી પરથી જાણવા મળ્યું છે કે, 30-40 વર્ષની ઉંમરે ઊંઘ પૂરી ના થવાને કારણે આરોગ્ય પર ખરાબ અસર થાય છે.
સ્ટડી
યોગ્ય ઊંઘ લેવામાં ના આવે તો મેમરી પર અસર થઈ શકે છે. લાંબા સમય સુધી આ પ્રકારની આદતને કારણે માનસિક સમસ્યા થઈ શકે છે, ઉપરાંત સમજવા વિચારવાની ક્ષમતા પર પણ અસર થાય છે. આરોગ્ય નિષ્ણાંતો અનુસાર અનિંદ્રાને કારણે શરીરના અન્ય ભાગ પર પણ અસર થાય છે.
526 લોકો પર સ્ટડી
આ સ્ટડીમાં કુલ 526 લોકોને શામેલ કરવામાં આવ્યા હતા. આ લોકો પર 11 વર્ષ સુધી સ્ટડી કરવામાં આવી હતી. 526 લોકોમાંથી 46 ટકા (239 લોકો) લોકોનો સૂવાનો સમય અને ક્વોલિટી ખરાબ હતી. 175 લોકો એવા હતા, જેમની ઊંઘ ખૂબ જ ઓછી પૂર્ણ થઈ હતી. સ્ટડી પરથી જાણવા મળ્યું કે, જે લોકોએ પૂરતી ઊંઘ લીધી ન હતી તેમની મેમરી પર ખરાબ અસર થઈ હતી.
પૂરતી ઊંઘ ના લેવાના નુકસાન
- પૂરતી ઊંઘ ના લેવાથી શરીર પર અનેક પ્રકારે અસર થઈ શકે છે.
- ઓછી ઊંઘ લેવાને કારણે હાર્ટ હેલ્થ પર અસર થાય છે, જેથી હ્રદયરોગ થવાનું જોખમ રહે છે.
- અનિંદ્રાને કારણે માનસિક સમસ્યા થઈ શકે છે.
- ડાયાબિટીસ થવાની સાથે સાથે ઓછી ઉંમરે બિમારી થવાનું જોખમ રહે છે.
- ત્વચા પર અસર થાય છે અને કરચલી તથા ખીલ જેવી સમસ્યા થઈ શકે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
