પ્લેનેટ 9 / દૂરબીને પકડી પાડ્યું.! અંતરીક્ષમાં આ ઘટના જોઈ વૈજ્ઞાનિક પણ ચોંકી ઉઠયા.! વર્ષોની શોધ બાદ આ રહસ્યમ વસ્તુ દેખાઈ

• વૈજ્ઞાનિકોએ હાલમાં કર્યો મોટો દાવો
• આપણાં સૌરમંડળમાં 8 નહીં પરંતુ 9 ગ્રહ હોવાનો દાવો
• 9મો ગ્રહ સૂર્યની પરિક્રમા પણ કરે છે

અત્યાર સુધી આપણે ભણતાં આવ્યાં છીએ કે આપણાં સૌરમંડળમાં કુલ 8 ગ્રહો આવેલા છે. પ્લૂટોને આપણે પહેલા જ વામન ગ્રહ ઘોષિત કરી દીધું છે. પરંતુ હવે વૈજ્ઞાનિકોએ નવો દાવો કર્યો છે કે આપણાં સૌરમંડળમાં વધુ એક રહસ્યમયી ગ્રહ હાજર છે. 100થી વધારે વર્ષોથી વૈજ્ઞાનિકો ઉચ્ચતમ ટેકનોલોજી વાળી દૂરબીનો વિકસિત કરવા અને સૌરમંડળની સીમાઓની પાર જોવામાં વ્યસ્ત હતાં જેથી વધુ રહસ્યમય ચીજો વિશે જાણી શકાય.

રહસ્યમય ગ્રહ 'પ્લેનેટ નાઈન'
સૌરમંડળ જટિલ છે કારણકે વચ્ચે સૂર્ય છે અને તેની ચારેય બાજુ ગ્રહો પરિભ્રમણ કરી રહ્યાં છે. વૈજ્ઞાનિકો લાંબા સમયથી વિચાર કરી રહ્યાં હતાં કે પ્લૂટો બાદ પણ એક એવો ગ્રહ છે જે આપણાં સૌરમંડળનો જ એક હિસ્સો છે અને અન્ય ગ્રહોની જેમ સૂર્યની આસપાસ પરિભ્રમણ કરે છે. પરંતુ તેનો કોઈ ચોક્કસ પુરાવો નહોતો મળ્યો. હાલમાં તેને 'પ્લેનેટ નાઈન' નામ આપવામાં આવ્યું છે.

સૂર્યથી આટલો દૂર છે નવમો ગ્રહ
વૈજ્ઞાનિકો માને છે કે એક રહસ્યમય ગ્રહ પોતાના ગુરુત્વાકર્ષણનાં કારણે આ અવકાશી પદાર્થોને પ્રભાવિત કરી રહ્યું છે. એવો અનુમાન લગાવવામાં આવ્યો છે કે પ્લેનેટ નાઈન, નેપ્ટ્યૂનની તુલનામાં સૂર્યથી 20 ગણો વધારે દૂર છે. જ્યારે આપણે માનીએ છીએ કે નેપ્ટ્યૂન સૂર્યથી 4.47 અરબ કિલોમીટર દૂર છે તો આ દૂરી 20 ગણી વધારે બને છે.  વૈજ્ઞાનિકો કહે છે કે સૂર્યથી પ્લેનેટ નાઈટ ઘણો દૂર છે જેના લીધે ગ્રહથી પરાવર્તિત સૂર્યનાં પ્રકાશની માહિતી મેળવવી ઘણી અઘરી બનશે.