ISRO / ચંદ્રયાન 3 ની ટીમમાં સાયન્ટિસ્ટ કપલ: બાળપણમાં ચોપડી ખરીદવાના પણ નહોતા પૈસા, હવે કરી નાંખ્યો કમાલ

• ચંદ્રયાન-3એ ચંદ્રના દક્ષિણ ધ્રુવ પર સફળ લેન્ડિંગ કર્યું 
• ચંદ્રયાન 3 ની ટીમમાં કામ કરતાં હતા આ સાયન્ટિસ્ટ કપલ
• કરનાલના આ બે વૈજ્ઞાનિકોએ દેશને ગૌરવ અપાવ્યું

Scientist couple in Chandrayaan-3 team: ચંદ્રયાન-3એ ચંદ્રના દક્ષિણ ધ્રુવ પર સફળ લેન્ડિંગ કર્યું અને એ સાથે જ ભારત આવું કરનાર વિશ્વનો પ્રથમ દેશ બની ગયો છે. ચંદ્રયાન-3નું લેન્ડિંગ જોવા માટે  શહેરોથી લઈને ગામડાઓ સુધીના લોકો ટેલિવિઝન દ્વારા જોડાયેલા હતા. એવામાં હરિયાણાના આ કપલે પણ મિશનને સફળ બનાવવામાં મહત્વની ભૂમિકા ભજવી છે. 

તમે પણ સાંભળ્યું હશે કે મહેનતનું ફળ મળે છે. તમે માત્ર જુસ્સા સાથે સંઘર્ષ કરો અને તમને ચોક્કસપણે પરિણામ મળશે. કરનાલના નાના પરિવારમાંથી આવતા બે વૈજ્ઞાનિકોએ દેશને ગૌરવ અપાવ્યું છે.  કરનાલ નાનકડા પરિવારમાંથી આવેલ દીપાંશુ ગર્ગ અને તેમની પત્ની સાથે જ ISROની ટીમે ચંદ્રયાન-3નું સફળતાપૂર્વક ચંદ્ર પર સોફ્ટ લેન્ડિંગ કરીને એક ઉદાહરણ સ્થાપિત કર્યું છે. 

દીપાંશુનું બાળપણ સંઘર્ષમાં વીત્યું હતું
દીપાંશુ ગર્ગનો પરિવાર કરનાલના કલેન્દરી ગેટ પર રહે છે. પરિવારે જણાવ્યું કે દીપાંશુનું બાળપણ સંઘર્ષમાં વીત્યું હતું. દિપાંશુના પિતા કાપડની દુકાનમાં કામ કરતા હતા અને માતા ઘરે જ રહેતી હતી. માતાની તબિયત ખરાબ હતી, દીપાંશુ અભ્યાસમાંથી દરેક ક્ષેત્રમાં સારા નંબર લાવતો હતો. એક સમય એવો હતો જ્યારે દીપાંશુના પરિવાર પાસે પુસ્તકો માટે પૈસા નહોતા તેથી તેના કાકા તેને પુસ્તકો મેળવવામાં મદદ કરતા. દીપાંશુએ કરનાલમાંથી સ્કૂલ પાસ કરી અને પછી એન્જિનિયરિંગ કર્યું હતું. 

કંઈક અલગ કરવાની ઈચ્છાએ અજાયબીઓ કરી બતાવી 
એન્જિનિયરિંગ શરૂ કર્યું અને પ્રાઈવેટ જોબ શરૂ કરી પણ દીપાંશુની કંઈક અલગ કરવાની ઈચ્છા તેને આ સ્થાન સુધી લઈ ગઈ. તે કંઈક અલગ કરવા માંગતો હતો જે તેની આસપાસના કોઈએ કર્યું ન હતું અને તેના માટે તે નોકરીની સાથે અભ્યાસ પણ કરતો હતો. દીપાંશુએ ઈસરોની પરીક્ષા આપી અને ત્યાં સફળતા મેળવી. તેણે ઈસરોની ટીમમાં સ્થાન મેળવ્યું. તેઓ વર્ષ 2017માં ઈસરોમાં જોડાયા હતા. તેણે ઈસરોમાં કામ કરતી વિજ્ઞાની ઐશ્વર્યા સાથે લગ્ન કર્યા છે. 

બંને ISROની ટીમમાં કામ કરતા હતા જે ચંદ્રયાનને ચંદ્ર પર મોકલવા માટે દિવસ-રાત મહેનત કરી રહી હતી. ચંદ્રયાન 2 નિષ્ફળ જતાં તે ખૂબ જ નિરાશ થયો હતો. પરંતુ તેણે હિંમત હારી નહીં અને હવે તેની મહેનત રંગ લાવી અને ચંદ્રયાન 3 ચંદ્ર પર સફળતાપૂર્વક લેન્ડિંગ કર્યું.