રાજકારણ / સંબિત પાત્રાએ મહારાષ્ટ્ર સરકાર પર સાધ્યુ નિશાન, કહ્યું સરકાર જા 'રિયા' હૈ

• સુશાંત કેસ પર બોલ્યા સંબિત પાત્રા
• મહારાષ્ટ્ર સરકાર પર સાધ્યુ નિશાન
• સુશાંત કેસ સીબીઆઇને સોંપાયો

ભાજપના પ્રવક્તા સંબિત પાત્રાએ કહ્યું કે, પહેલે મહારાષ્ટ્ર સરકાર સો 'રિયા' થા, ફિર સંજય રાઉત સુશાંત પરિવાર કો ધો 'રિયા' થા, અબ મુંબઇ સરકાર રો 'રિયા' હે, દોસ્તો જલ્દી હી મહારાષ્ટ્ર સરકાર જા 'રિયા' હે. 

 

पहले महाराष्ट्र सरकार सो “रिया” था
फिर संजय राउत सुशांत परिवार को धो “रिया” था
अब मुंबई में सरकार रो “रिया” है
दोस्तों जल्दी ही सुनेंगे महाराष्ट्र सरकार जा “रिया” है।#महाराष्ट्रसरकार_रो_रिया_है

— Sambit Patra (@sambitswaraj) August 19, 2020

 

તો બીજી તરફ કેન્દ્રીય મંત્રી રવિશંકર પ્રસાદે કહ્યું કે આ ન્યાયની જીત છે. સુશાંત સિંહ રાજપૂત ખૂબ જ ટેલેન્ટેડ કલાકાર હતો. તેનુ આ રીતે વિદાય લેવુ સમગ્ર દેશને પીડા આપનાર હતું. દેશને ન્યાયની આશા હતી અને આજના દિવસની બધાને રાહ હતી. હવે આશા રાખીએ છીએ કે તપાસ ઇમાનદારીથી થશે અને દોષિતોને સજા મળશે. 

સાથે જ રવિશંકરે જણાવ્યું હતુ કે, સુશાંતના પિતા અને બહેનોએ જે પ્રકારનું સાહસ બતાવ્યું અને સુશાંતની આત્માની શાંતિ માટે તેને ન્યાય મળે તે માટેના પ્રયત્ન કર્યા છે તે પ્રશંસાને પાત્ર છે. હું આજે સુશાંતના પરિવારને અભિનંદન આપવા માંગીશ.

 
અભિનેતા સુશાંત સિંહ રાજપૂતની આત્મહત્યા કેસમાં સીબીઆઈ હવે તપાસ કરશે. સુપ્રીમ કોર્ટે બુધવારે સીબીઆઈને આ કેસની તપાસ કરવાનો આદેશ આપ્યો છે. કોર્ટે કહ્યું, 'મહારાષ્ટ્ર સરકાર સીબીઆઈ તપાસ કેસને પડકાર આપી શકશે નહીં. પટણામાં નોંધાયેલ એફઆઈઆર સાચી હતી. મુંબઈ પોલીસે હવે તપાસમાં સહકાર આપવો પડશે. 

સુશાંતની ગર્લફ્રેન્ડ રિયા ચક્રવર્તીએ કેસને પટનાથી મુંબઇ ટ્રાન્સફર કરવાની માગ કરી હતી. આ બાબતે સુપ્રિમે 11 ઓગસ્ટે નિર્ણય મોકૂફ રાખીને દરેક પક્ષ પાસે લેખિતમાં જવાબ માંગ્યો હતો. આજે કોર્ટે નિર્ણય આપ્યો છે અને મુંબઇ પોલિસ કેસને પડકારી શકશે નહી.