ઈલેક્શન 2022 / ચૂંટણીમાં જીત માટે જાસૂસી..."ઉમેદવારની ટાંટિયાખેચમાં બ્લેકમેલ કરવાની પણ જામી હોડ", જુઓ શું કહે છે ડિટેક્ટિવ

• ઉમેદવારોના નામ જાહેર થવાની સાથે જ જાસૂસ પણ સક્રિય થયા
• ડિટેક્ટિવ એજન્સી ધરાવતા વિશાલ ત્રિવેદીનો જાસૂસી મામલે ખુલાસો
• "ઉમેદવાર જીત માટે સામા પક્ષના ઉમેદવાર જાસૂસી કરાવે"

ગુજરાત વિધાનસભાની ચૂંટણીની તારીખો જાહેર થઈ ગઈ છે ત્યારે મતદાનની તારીખોનું કાઉન્ટ ડાઉન શરૂ થઈ ગયો છે. જેના કારણે તમામ રાજકીય પક્ષો ચૂંટણી જીતવા માટે તનતોડ મહેનત કરી રહ્યા છે. તમામ રાજકીય પક્ષોએ વિધાનસભાની ચૂંટણીને લઇ પ્રચાર અભિયાનને તેજ બનાવ્યું છે.  રાજકીય પક્ષો મતદારોને આકર્ષવા માટે એડીચોટીનું જોર લગાવી રહ્યા છે. રાજકીય ધમાચકડીને લઈ મહત્વની માહિતી સામે આવી છે કે, ઉમેદવારોને જીતાડવા માટે અકબીજા પોતાના વિરોધ પક્ષના ઉમેદવારો પર જાસૂસી કરાવી રહ્યા છે. 
 
ઉમેદવારો પર જાસૂસી
ગુજરાત વિધાનસભાની ચૂંટણીમાં રસાકસીનો જંગ જામ્યો છે. ચૂંટણીની તારીખ જાહેર થઈ ગયા બાદ ઉમેદવારના નામ જાહેર થઈ રહ્યા છે. ઉમેદવારના નામ જાહેર થવાની સાથે જાસૂસ પણ સક્રિય થઈ ગયા છે. ઉમેદવાર જીત માટે અકબીજાના વિરોધ પક્ષના ઉમેદવારો પર જાસૂસી કરાવી રહ્યા છે. ઉમેદવારનો ભૂતકાળ, પ્રેમ પ્રકરણ કે ગુનાહિત ઇતિહાસની કુંડળીની સાથે આર્થિક રીતે કેવી રીતે મજબૂત થઈ રહ્યા છે તેની પર જાસૂસ નજર રાખી રહ્યા છે.

 ડિટેક્ટિવ વિશાલભાઈ ત્રિવેદીનો ખુલાસો
કોંગ્રેસ અને આપ પાર્ટીએ ઉમેદવારોના કેટલાક નામો જાહેર કર્યા છે ત્યારે ભાજપ ટૂંક સમયમાં ઉમેદવારોના નામ જાહેર કરી શકે છે ત્યારે ડિટેક્ટિવ એજન્સી ધરાવતા વિશાલભાઈ ત્રિવેદીનો જાસૂસી મામલે ખુલાસો સામે આવ્યો છે તેમણે કહ્યું વિરોધ પક્ષના ઉમેદવારની જન્મકુંડળી કાઢવા નેતાઓ અમારો સંપર્ક કરે છે તેમણે VTV સાથેની વાતચીતમાં જણાવ્યું હતું કે, ઉમેદવાર જીત માટે સામા પક્ષના ઉમેદવાર પર જાસૂસી કરાવી રહ્યા છે. તેમણે કહ્યું હતું કે, ઉમેદવારના ગુનાહિત ઈતિહાસ સહિત પ્રેમ પ્રકરણથી બ્લેકમેલ કરવાની અત્યારે હોડ જામી છે.