- સલમાન ખાનની સાથે સાથે તેમનો પરિવાર પણ ચર્ચામાં રહે છે
- સલમાન ખાનની બહેન અર્પિતાએ પોલીસ ફરિયાદ કરી
- અર્પિતાના ઘરેથી ચોરાઈ 5 લાખની ઈયરિંગ્સ
બોલિવુડ અભિનેતા સલમાન ખાનની સાથે સાથે તેમનો પરિવાર પણ ચર્ચામાં રહે છે. સલમાન ખાનની બહેન અર્પિતાએ પોલીસમાં ફરિયાદ કરવાને કારણે ચર્ચાનો વિષય બની ગઈ છે. મુંબઈના ખારમાં અર્પિતાનું ઘર આવેલ છે, જ્યાંથી અર્પિતાની ઈયરિંગ્સ ચોરાઈ હતી, જે બાબતે પોલીસ ફરિયાદ કરવામાં આવી હતી.
અર્પિતા ખાને ફરિયાદ કર્યા પછી પોલીસે આ મામલે સંદીપ સિંહ નામના એક વ્યક્તિની ધરપકડ કરી છે. આ વ્યક્તિ મુંબઈના પાર્લે ઈસ્ટના અંબેવાડી સ્લમ વિસ્તારમાં રહે છે. સંદીપ અર્પિતા ખાનના ઘરે હેલ્પર તરીકે કામ કરતો હતો, જેની ચોરીના મામલે ધરપકડ કરવામાં આવી છે.
5 લાખ રૂપિયાની ઈયરિંગ્સ
કહેવામાં આવી રહ્યું છે કે, આ ઈયરિંગ્સની કિંમત 5 લાખ રૂપિયા હતી અને તે મેકએપ ટ્રેમાં રાખી હતી. જે મળી રહી નહોતી. ત્યારપછી પોલીસ ફરિયાદ કરવામાં આવી હતી. આ મામલે ઘરમાં જ કામ કરતા વ્યક્તિની ધરપકડ કરવામાં આવી છે. આ સમગ્ર મામલો 16મેનો છે. તે દિવસે પોલીસે તપાસ કરીને ચોરને પકડી લીધો છે.
સંદીપના ઘરેથી મળી ઈયરિંગ્સ
સંદીપ છેલ્લા ચાર મહિનાથી અર્પિતાના ઘરે કામ કરતો હતો અને તે કોઈને કહ્યા વગર ત્યાંથી ભાગી ગયો હતો. સંદીપના ઘરેથી ચોરી થયેલ ઈયરિંગ્સ મળી આવી છે અને પોલીસ રિમાન્ડમાં છે. તમને જણાવી દઈએ કે, અર્પિતા અને આયુષ શર્મા તેમના બે બાળકો સાથે તે ઘરમાં રહે છે.
સલમાન ખાનના અન્ય સભ્યોની જેમ અર્પિતા પણ કોઈ પણ કારણોસર ચર્ચામાં રહેતી હોય છે. વર્ષ 2014 અર્પિતાના આયુષ શર્મા સાથે લગ્ન થયા હતા.
