બજેટ 2024 / જો બજેટમાં કરાઇ આ બે મોટી જાહેરાતો, તો સેલરી ક્લાસને બખ્ખાં જ બખ્ખાં

• નાણાંમંત્રી 1 ફેબ્રુઆરીએ બજેટ રજૂ કરશે
• બજેટમાં આ બે મહત્ત્વપૂર્ણ જાહેરાત થઈ શકે છે
• આ જાહેરાત થતા સેલરી ક્લાસને મળી શકે છે રાહત

નાણાંમંત્રી નિર્મલા સીતારમણ 1 ફેબ્રુઆરી 2024ના રોજ બજેટ રજૂ કરશે. ટેક્સપેયર્સ અને નોકરિયાત વ્યક્તિઓને ટેક્સમાં છૂટ મળવાની આશા છે. નાણામંત્રી બજેટમાં આ બે મહત્ત્વપૂર્ણ જાહેરાત કરે તો સેલરી ક્લાસને રાહત મળી શકે છે. 

ટેક્સમાં છૂટ આપવાની મર્યાદામાં વધારો
નાણાંમંત્રી નિર્મલા સીતારમણે 2023-24ના બજેટ પ્રસ્તાવમાં નવા ટેક્સ રિજીમમાં ટેક્સ રિબેટમાં વધારો કર્યો છે. વર્ષ 2023ની બજેટ જાહેરાતમાં ન્યૂ ટેક્સ રિજીમમાં છૂટની મર્યાદામાં 5 લાખ વધારીને 7 લાખ કરી દીધી છે. ટેક્સ પેયર નવા ટેક્સ રિજીમની પસંદગી કરે તો વાર્ષિક 7 લાખ રૂપિયા સુધીની કમાણી પર કોઈ ટેક્સ આપવાનો રહેતો નથી. પગારદાર વ્યક્તિઓને આશા છે કે, સરકાર આ બજેટ લિમિટ 7 લાખ રૂપિયાથી વધારીને 10 લાખ રૂપિયા કરી શકે છે. 

વધુ વાંચો: ચૂંટણી પહેલા મિડલ ક્લાસ અને ગરીબ વર્ગ માટે ખજાનો ખોલશે મોદી સરકાર!

જૂનો ટેક્સ રિજીમ
વર્ષ 2023 બજેટ જાહેરાતમાં જૂના ટેક્સ રિજીમમાં કોઈ ફેરફાર કરવામાં આવ્યો નથી. જૂના ટેક્સ રિજીમમાં 5 લાખ રૂપિયા સુધીની આવક પર ટેક્સ રિબેટ મળે છે. જો કોઈ ટેક્સપેયર જૂની કર વ્યવસ્થા પસંદ કરે તો ઈન્કમટેક્સની અલગ અલગ ધારાઓ હેઠળ ડિડક્શનનો લાભ મળે છે. જો કોઈ વ્યક્તિની આવક 5 લાખ રૂપિયા કરતા ઓછી હોય તો ટેક્સ ચૂકવવાનો રહેતો નથી.