ઠેકાણું / 10 વર્ષ પછી જાગ્યું અમદાવાદ મનપા: આપઘાતના હોટ પોઈન્ટ પર બનશે આધુનિક રેસ્ક્યૂ ચોકી, જીવ બચશે

સાબરમતી નદી કે જ્યાં એક એવો સમય હતો કે, લોકો ત્યાં જવાનું પણ પસંદ કરતા ન હતા. સાબરમતી નદી પર રિવરફ્રન્ટ બનતા હવે તે પર્યટક સ્થળ બની ગઈ છે. જ્યાં રોજ હજારો લોકો મુલાકાતે આવે છે. જો કે આજે સાબરમતી નદી છેલ્લા ઘણા વર્ષોમાં સ્યુસાઈડ પોઈન્ટ પણ બની છે. કારણ કે, અવાર-નવાર નદીમાં કૂદીને લોકોએ આપઘાત કર્યાના કિસ્સાઓ સામે આવતા રહે છે. જો કે નદીમાં કુદનારા અનેક લોકો માટે રિવરફ્રન્ટ  ટીમ દેવદૂત સાબિત થઈ છે. 

10 વર્ષમાં અસંખ્ય લોકોના જવાનોએ બચાવ્યો જીવ
પરંતું 2014 થી કાર્યરત આ ટીમનું બેસવાનું કોઈ ઠેકાણું ન હતું કે ન તો કોઈ જગ્યા ફાળવાઈ હતી. જેના કારણે રેસ્ક્યું ટીમને ભારે હાલાકીનો સામનો કરવો પડતો હતો. પરંતું હવે 10 વર્ષ પછી સત્તાધીશોને રેસ્ક્યું ટીમની જરૂરીયાત દેખાઈ છે. અને તે માટે એક ફાયર ચોકી બનાવવાનો નિર્ણય કરાયો છે. અને આ ફાયર ચોકી વલ્લભસદન પાસે બનાવવામાં આવશે. તેવો અંદાજ પણ સેવાઈ રહ્યો છે. 

વધુ વાંચોઃ આ છોકરીના રૂપ પાછળ ઘેલા થશો તો કંગાળ બની જશો, પત્ની બની ઘરે આવશે પછી આવી રીતે થશે ખેલ

રેસ્ક્યુ ટીમમાં સાધનો અને કર્મીઓ વધારવાની જરૂર
રિવર ફ્રન્ટ પર રેસ્ક્યુંની કામગીરી કરનાર ટીમ પર હંમેશા જોખમ રહે છે. પરંતું તે જોખમને ખેડીને પણ365 દિવસ રેસ્ક્યું ટીમ એલર્ટ મોડમાં રહે છે. જો કે અત્યાર સુધી સુધી આ ટીમનું કોઈ ઠેકાણું ન હતું. પરંતું આગામી દિવસોમાં આ રેસ્ક્યું ટીમને પોતાની ચોકી મળી જશે. જેથી ફાયર વિભાગની રેસ્ક્યું ટીમને દરેક મૌસમમાં પડતી તકલીફોનો સામનો નહી કરવો પડે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો