Russia Ukraine war / BIG NEWS : પુતિન પર ડ્રોન હુમલા બાદ રશિયાની કમાન છટકી, યુક્રેનમાં છોડી મિસાઈલ પર મિસાઈલ, 16થી વધુના મોત

• રશિયા-યુક્રેન વચ્ચે વોર વકર્યું
• પુતિન પરના ડ્રોન હુમલા બાદ રશિયાનો છટક્યો પિત્તો 
• કીવના ખેરેસોનમાં કર્યો મિસાઈલ હુમલો, 16થી વધુ લોકોના મોત 

પ્રેસિડન્ટ પુતિનને ડ્રોન હુમલામાં મારી નાખવાના પ્રયાસ બાદ રશિયાએ યુક્રેન પર ભીષણ હુમલો કરી દીધો છે જેમાં 16 લોકોના મોતની ખબર છે. પુતિનની હત્યા માટે ક્રેમલિન પર થયેલા ડ્રોન હુમલા બાદ રશિયાએ કીવમાં ખેરસોન વિસ્તારમાં મિસાઈલ મારો કર્યો હતો જેમા 16થી વધુ લોકોના મોત થયા હતા. 

Russian strikes on Ukraine's southern Kherson region kill 16, AFP News Agency cites prosecutors

— ANI (@ANI) May 3, 2023

પુતિનના સત્તાવાર રહેઠાણ ક્રેમલિન પર ત્રાટક્યાં બે યુક્રેની ડ્રોન 
એક વર્ષથી વધુ સમયથી ચાલી રહેલું રશિયા-યુક્રેન યુદ્ધ અટક્યું નથી. હવે રશિયાએ યુક્રેન પર આતંકવાદીઓની જેમ ક્રેમલિન પર હુમલો કરવાનો આરોપ લગાવ્યો છે. રશિયન સરકાર વતી એવું કહેવામાં આવ્યું છે કે યુક્રેને ક્રેમલિન પર ડ્રોનથી હુમલો કરવાનો પ્રયાસ કર્યો છે, તેની કાર્યવાહી "આતંકવાદીઓ" જેવી છે અને રશિયા તેનો કડક જવાબ આપશે. 

યુક્રેનના 2 ડ્રોન તોડી પાડ્યાંનો રશિયાનો દાવો 
ક્રેમલિને બુધવારે, 3 મેના રોજ જણાવ્યું હતું કે તેણે યુક્રેન દ્વારા શરૂ કરાયેલા બે ડ્રોનને તોડી પાડ્યા છે. રશિયન સરકાર વતી કિવ પર રશિયન રાષ્ટ્રપતિ વ્લાદિમીર પુતિનની હત્યા કરવાનો પ્રયાસ કરવાનો આરોપ લગાવવામાં આવ્યો છે.

Russia preparing for large-scale terrorist attack. Ukraine wages an exclusively defensive war and does not attack targets on the territory of the Russian Federation: Ukraine on Russia's allegations of drone attack on Kremlin https://t.co/nU7r5iGclU

— ANI (@ANI) May 3, 2023

ડ્રોન હુમલાને રશિયાએ ગણાવ્યું આતંકવાદી કૃત્ય 
રશિયાએ બુધવારે દાવો કર્યો છે કે યુક્રેને ડ્રોન પ્લેન દ્વારા રશિયન રાષ્ટ્રપતિ વ્લાદિમીર પુતિનની હત્યા કરવાનો પ્રયાસ કર્યો છે. યુક્રેને ક્રેમલિન પર બે માનવરહિત હવાઈ વાહનો સાથે હુમલો કર્યો છે જે કિવએ રાષ્ટ્રપતિ પુતિનની હત્યા કરવા માટે મોકલ્યા હતા, રશિયન અધિકારીઓએ જણાવ્યું હતું. બંને ડ્રોન એરક્રાફ્ટને છોડી દેવામાં આવ્યા છે. રશિયન અધિકારીઓએ તેને આયોજિત આતંકવાદી કૃત્ય ગણાવ્યું છે. એ પણ કહ્યું કે અમને આનો જવાબ આપવાનો પૂરો અધિકાર છે.