- રોહિત શર્મા મુંબઈ ઈન્ડિયન્સની 150મી મેચમાં કેપ્ટનશીપ કરી
- રોહિત શર્માને અમ્પાયરોની નિષ્ફળતાનો ભોગ બનવું પડ્યું હતું
- રોહિત શર્મા નોટ આઉટ હતો છતાં તેને પેવેલિયનમાં પાછા ફરવું પડ્યું
ગઇકાલે IPLના ઈતિહાસની 1000મી મેચ રમાઈ હતી અને એ મેચ મુંબઈ ઈન્ડિયન્સ (MI) અને રાજસ્થાન રોયલ્સ (RR) વચ્ચે રમાઈ હતી. આ સાથે જ રોહિત શર્મા મુંબઈ ઈન્ડિયન્સની 150મી મેચમાં કેપ્ટનશીપ કરી હતી અને ગઇકાલે જ રોહિત શર્માનો જન્મદિવસ પણ હતો. આ સાથે જ તેને મુંબઈ ઈન્ડિયન્સ માટે કેપ્ટન તરીકે 10 વર્ષ પણ પૂરા કર્યા હતા. ગઇકાલની એ મેચ ખૂબ ખાસ હટી જો કે આ દરમિયાન રોહિત શર્માને અમ્પાયરોની નિષ્ફળતાનો ભોગ બનવું પડ્યું હતું.
ગઇકાલની મેચને લઈને ચાહકો દ્વારા આ દાવો કરવામાં આવી રહ્યો છે કે રોહિત શર્મા નોટ આઉટ હતો છતાં તેને પેવેલિયનમાં પાછા ફરવું પડ્યું હતું કારણ કે મેદાન પરના અમ્પાયરે તેને ક્લોઝ કોલ પર બોલ્ડ આઉટ આપ્યો હતો પણ તે ખોટું હતું.
રોહિત શર્મા આઉટ કે નોટ આઉટ?
વાત એમ છે કે જ્યારે મુંબઈ ઈન્ડિયન્સે રાજસ્થાન રોયલ્સ સામે 213 રનના વિશાળ ટાર્ગેટનો પીછો કરવાનું શરૂ કર્યું ત્યારે મુંબઈએ સારી શરૂઆત કરી હતી પણ બીજી ઓવરના છેલ્લા બોલ પર રોહિત શર્માએ જગ્યા બનાવી અને સંદીપ શર્માના બોલને ઓફ સાઇડમાં કટ કરવાનો પ્રયાસ કર્યો હતો અને તે આમાં તેઓ નિષ્ફળ ગયો. એ સમયે રાજસ્થાન રોયલ્સનો વિકેટકીપર સંજુ સેમસન સ્ટમ્પની નજીકથી વિકેટકીપિંગ કરી રહ્યો હતો અને બોલ ઓફ સ્ટમ્પની નજીક આવ્યો અને બેઈલ પડી ગયા.
આઉટ થવા પર હિટમેને પણ ન લીધો રિવ્યુ
જો કે પહેલી વખત જોતાં એવું જ લાગે કે રોહિત શર્મા ક્લીન બોલ્ડ થયો છે અને આ જ કારણે મેદાન પરના અમ્પાયરે તેને આઉટ જાહેર કર્યો હતો. જો કે તે સમયે એવું પણ લાગતું હતું કે ગ્લોવ્સનો ભાગ સ્ટમ્પને અથડાયો હશે પણ અમ્પાયરે તેને આઉટ આપ્યો હતો. એ સમયે કેપ્ટન રોહિત શર્માએ પણ રિવ્યુ નહતો લીધો કારણ કે તેને ખબર ન હતી કે શું થયું. હવે વાત એમ છે કે જ્યારે તે આઉટ થયો અને રિપ્લે જોવામાં આવ્યો ત્યારે એક એન્ગલથી વ્યુ અલગ હતો અને બીજા એન્ગલથી સત્ય બહાર અવાયું હતું પણ ત્યાં સુધીમાં ઘણું મોડું થઈ ગયું હતું.
વિડીયો થયો વાયરલ
હાલ એક વિડીયો વાયરલ થઈ રહ્યો છે અને એ વીડિયોમાં જોઈ શકો છો કે સંદીપ શર્માનો નકલ બોલ ઓફ સ્ટમ્પની ટોચની નજીક હતો અને સંજુ સેમસનના ગ્લોવ્ઝ પણ સ્ટમ્પની નજીક હતા.બોલ સ્ટમ્પની નજીકથી પસાર થતાં જ સેમસનના ગ્લોવ્સ પણ આવ્યો હતો અને ગ્લોવનો એક ભાગ ઑફ સ્ટમ્પ પર વાગ્યો અને બેલ્સ પડી ગયા. એ સમયે અમ્પાયરે રોહિત શર્માને આઉટ જાહેર કર્યો હતો. અંહિયા એક વાત મહત્વની છે કે કોઈ પણ ખેલાડી બોલ્ડના નિર્ણયની સમીક્ષા કરતો નથી.આવી સ્થિતિમાં રોહિતે પણ ન કર્યું અને અમ્પાયરોએ પણ તેને ક્રોસ ચેક ન કર્યું, હવે તેના પર સવાલો ઉઠી રહ્યા છે.
