ખુશખબર / સોનાને લઈને આવ્યા સૌથી મોટા ખુશખબર, અત્યાર સુધીમાં થયો 8000નો ઘટાડો

• સોના-ચાંદીના ભાવમાં થઇ રહી છે વધઘટ
• 6 મહિના દરમિયાન 8000 રૂપિયા સુધી સસ્તુ સોનું 
• કોરોનાની વેક્સિનને કારણે જોવા મળી રહી છે તેજી-મંદી 

ઉલ્લેખનીય છે કે, નવેમ્બરમાં સોનું 4 ટકા કરતા સસ્તુ થયું છે. છેલ્લા એક અઠવાડિયા દરમિયાન સોના અને ચાંદીના ભાવમાં 2.5 અને 3.5 ટકાનો ઘટાડો થયો છે. સોનામાં રેકોર્ડ લેવલથી આશરે રૂ 8,000 સસ્તું થયું છે. 

સોના-ચાંદીના ભાવમાં થયો ઘટાડો 

આપને જણાવી દઇએ કે 7 ઓગસ્ટ 2020 ના રોજ સોનું 10 ગ્રામ દીઠ 56191 રૂપિયા હતું, તે જ મહિનામાં 25 ઓગસ્ટે સોનું 48,500 રૂપિયા પર આવ્યું હતું. ત્રણ મહિના પછી, સોનું ફરી આ સ્તરે પહોંચ્યું છે.

દિલ્હીના માર્કેટમાં 44705 રૂપિયાનો ભાવ

બુલિયન વેબસાઇટ ibja.com મુજબ, આજે દિલ્હીમાં 10 ગ્રામ 22 કેરેટ સોનાનો ભાવ 44705 રૂપિયા છે, જે ગઈકાલે પ્રતિ 10 ગ્રામ દીઠ 44824 રૂપિયા હતો, એટલે કે આજે ભાવ રૂ 199 ઓછા છે. આવી જ રીતે 24 કેરેટ સોનાના ભાવમાં પણ 130 રૂપિયા ઘટાડો થયો છે.

મેટ્રો સિવાયના મોટા ભાગના શહેરોમાં ઘટ્યા સોનાના ભાવ 

દિલ્હી સિવાયના બાકી મેટ્રો શહેરોમાં સોનાના ભાવમાં ઘટાડો નોંધાયો છે. બેંગલુરૂમાં સોનાનો ભાવ 46200 રૂપિયા, ચેન્નાઇમાં  46400 રુપિયા, કલકત્તામાં 50070 તો મુંબઇમાં 49800 રૂપિયા 10 ગ્રામ છે. 

ચાંદીના ભાવમાં થયો છે વધારો 

બુલિયન માર્કેટમાં આજે ચાંદીના ભાવ ઉંચકાયા છે, એક બુલિયન વેબસાઇટના જણાવ્યા અનુસાર, આજે દિલ્હીમાં 1 કિલો ચાંદીનો ભાવ રૂપિયા 60,050 છે. જે ગઇકાલની તુલનામાં 59,500 રૂપિયા હતો. એટલે કે ચાંદી 550 રૂપિયામાં મોંઘી છે.

કોરોના વેક્સિનની સમાચારને કારણે જોવા મળી રહી છે વધ-ઘટ

કોરોના વાયરસ વેક્સિનના સમાચારોથી સોના અને ચાંદીના ભાવો પર સતત દબાણ જોવા મળ્યું છે, પરંતુ નિષ્ણાતો માને છે કે લાંબા ગાળા સુધી સોના-ચાંદીમાં તેજીનું અનુમાન છે. રસી પર પ્રારંભિક સફળતાથી સોનાના વલણમાં ઘટાડો થયો છે અને વૈશ્વિક ઇક્વિટી માર્કેટમાં રોકાણ વધ્યું છે. અમેરિકામાં પણ રાજકીય અનિશ્ચિતતા સમાપ્ત થઈ ગઈ છે. વૈશ્વિક વિકાસમાં રિકવરી થવાની આશાને કારણે સોનાના ભાવ પર દબાણ વધ્યું છે.