Mrityu Panchak 2023 / સાવધાન! 3 દિવસ બાદ 'મૃત્યુ પંચક'નો યોગ, ભૂલથી પણ 5 દિવસ ન કરતા આ કામ

• 13 મેથી શરૂ થવા જઇ રહ્યું છે મૃત્યુ પંચક
• પાંચ દિવસ શુભ કાર્ય કરવાની મનાઈ 
• રોગ પંચક, રાજ પંચક, અગ્નિ પંચક, મૃત્યુ પંચક અને ચોર પંચક એમ જુદા જુદા પ્રકારો

શાસ્ત્રમાં અશુભ ગણાતા પંચકને લને મોટાભાગના લોકો પાંચ દિવસ શુભ કાર્યથી અળગા રહે છે. સાથે સાથે શાસ્ત્રમાં પણ આ પાંચ દિવસ શુભ કાર્ય કરવાની મનાઈ કરવામાં આવી છે. ત્યારે દર મહિને પંચક આવતું હોય છે. જેમાં રોગ પંચક, રાજ પંચક, અગ્નિ પંચક, મૃત્યુ પંચક અને ચોર પંચક એમ જુદા જુદા પ્રકારો હોય છે.ત્યારે આ વર્ષે મે મહિનામાં મૃત્યુ પંચક યોજાવા જઈ રહ્યું છે. શાસ્ત્રમાં એવી માન્યતા છે કે મૃત્યુ પંચક કાળ દરમિયાન જે પણ વ્યક્તિનું મૃત્યુ થાય તેના પરિવાર પર મુશ્કેલીઓ આવી શકે છે. મે મહિનામાં આગામી તા. 13 મે 2022 ના રોજ બપોરે 12:18 વાગ્યાથી મૃત્યુ પંચક શરૂ થવા જઈ રહ્યું છે. જે 17 મે 2023 ના રોજ 7:39 મિનિટે સમાપ્ત થશે.

મૃત્યુ પંચકને મનાઈ છે ખૂબ જ અશુભ
જ્યોતિષ અનુસાર શનિવારથી શરૂ થતા પંચક મૃત્યુ પંચકના નામ પરથી જ તે મૃત્યુ મામલે પરેશાની કરવાવાળું હોય તે દર્શાવાય છે. આ પાંચ દિવસ દરમિયાન છત બાંધવા, ખાટલો બાંધવા તેમજ દક્ષિણ દિશામાં મુસાફરી કરવા સહિતના કર્યો કરવાથી બચવું જોઈએ, આમ કરવાથી પંચકની અસરને પરિણામે વિવાદ, ઇજા અકસ્માત સહિતના જોખમ ઉપજાવે છે. સાથે સાથે મૃત્યુ પંચકની ખૂબ જ અશુભ માનવામાં આવતું હોવાથી જો આ પંચકમાં કોઈ વ્યક્તિનું મૃત્યુ થાય તો તે જ ગામમાં વધુ પાંચ લોકો મૃત્યુ પામે તેવી માન્યતા પણ પ્રવર્તતી હોય છે.

ચંદ્ર કુંભ અને કુંભ મીન રાશિમાં ગોચર કરે ત્યારે થાય છે પંચક 

પંચકમાં મૃત્યુ પર મૃતકના અગ્નિસંસ્કાર વિશે અલગ વિધિ કરવાની પણ માન્યતા છે. આ દરમિયાન મૃત્યુથી મૃતદેહના અગ્નિસંસ્કાર વેળાએ કુશના પાંચ પૂતળા મૂકવાથી અશુભ પરિણામોથી બચી શકવાની પણ માન્યતા છે. જ્યોતિષશાસ્ત્ર અનુસાર 27 નક્ષત્ર છે. આ નક્ષત્રમાં છેલ્લા પાંચ નક્ષત્ર ઘનિષ્ઠા, શતભીશા, પૂર્વાભાદ્રપદ, ઉતરાભાદ્રપદ અને રેવતી નક્ષત્રના સંયોજકને પંચક કહેવામાં આવે છે. આ પાંચ નક્ષત્રનો સંયોગ શુભ હોવાથી જ્યોતિષશાસ્ત્ર અનુસાર જ્યારે ચંદ્ર કુંભ અને કુંભ મીન રાશિમાં ગોચર કરે છે ત્યારે પંચક થાય છે.