તમારા કામનું / પ્રોપર્ટી ખરીદવાની હોય તો ફટાફટ લઇ લેજો, છેલ્લા 3 મહિનામાં જ મકાનોના ભાવમાં આવ્યો મોટો ઉછાળો

• રેસિડેન્શીયલ મિલકતોની કિંમતોમાં ખૂબ જ વધારો
• હજુ પણ મકાનોની કિંમતો વધારો થઈ રહ્યો છે
• ભારત વૈશ્વિક યાદીમાં 14મા સ્થાન પર આવી ગયું

ભારતમાં છેલ્લા ગણતરીમા વર્ષોમાં રેસિડેન્શીયલ મિલકતોની કિંમતોમાં ખૂબ જ વધારો થયો છે. હજુ પણ મકાનોની કિંમતો વધારો થઈ રહ્યો છે. આ વર્ષના ત્રીજા ક્વાર્ટરમાં ભારતમાં પ્રોપર્ટીના ભાવમાં વાર્ષિક ધોરણે 5.9 ટકાનો વધારો નોંધાયો છે. પ્રોપર્ટીના ભાવમાં સતત વધારો થવાને કારણે ભારત વૈશ્વિક યાદીમાં 18માં સ્થાનેથી 14મા સ્થાન પર આવી ગયું છે. 

સંપત્તિની કિંમતમાં વધારો-
ભારતમાં રેસિડેન્શીયલ મિલકતના ભાવમાં વાર્ષિક ધોરણે 3.5 ટકાનો જંગી વધારો થયો છે. કોરોનાકાળ પહેલા મિલકતની કિંમતના ભાવમાં 3.7 ટકાના દરે વધારો થયો હતો. કોરોનાકાળ પહેલા ઘરની કિંમતોમાં જેટલો સરેરાશ વધારો નોંધાયો હતો, આ વર્ષે પણ તેટલો સરેરાશ વધારો નોંધાયો છે.

પ્રોપર્ટીના ભાવ શા માટે વધી રહ્યા છે?
ભારતમાં છેલ્લા કેટલાક દિવસોમાં મોંઘવારી વધવાને કારણે વ્યાજદરમાં સતત વધારો થઈ રહ્યો છે. દેશનો વિકાસ દર કેટલાક સમયથી સ્થિર હોવાને કારણે પ્રોપર્ટીની કિંમતો સતત વધી રહી છે. નાણાંકીય સુરક્ષાના ઉદ્દેશથી લોકો ઉચ્ચ વ્યાજ દરે પ્રોપર્ટીમાં રોકાણ કરવાનું પસંદ કરી રહ્યા છે. કેન્દ્ર અને રાજ્ય સરકાર રિઅલ એસ્ટેટ સેક્ટર અંગે મહત્ત્વપૂર્ણ પગલાં લઈ રહી છે. જેની મિલકતના વેચાણની સંખ્યામાં પણ અસર જોવા મળી રહી છે. 

કયા દેશમાં પ્રોપર્ટીના ભાવમાં સૌથી વધુ વધારો
આવો જાણીએ વર્ષ 2023માં કયા દેશમાં રહેણાંક મિલકતોની કિંમતમાં સૌથી વધુ વધારો થયો છે. મિલકતની કિંમતોમાં 89.20 ટકાના વાર્ષિક વૃદ્ધિ દર સાથે તુર્કી આ યાદીમાં ટોચ પર છે. ક્રોએશિયામાં રેસિડેન્શીયલ મિલકતના ભાવમાં 13.7 ટકા, ગ્રીસમાં 11.9 ટકા, કોલંબિયામાં 11.2 ટકા અને ઉત્તર મેસેડોનિયામાં 11 ટકાનો વધારો થયો છે. આ લિસ્ટમાં ભારત 14માં સ્થાન પર છે.