ઇન્ફ્રાસ્ટ્રકચર / દુનિયાની સૌથી લાંબી સુરંગ બનીને તૈયાર, પીએમ મોદી કરશે જલ્દી કરશે ઉદ્ઘાટન

• હિમાચલ પ્રદેશમાં ભારતે બનાવી છે સૌથી લાંબી સુરંગ 
• આ સુરંગનું નામાભિધાન પૂર્વ પ્રધાનમંત્રી અટલ બિહારીના નામ પરથી 
• હિમાચલના લાહૌલ-સ્પીતી જિલ્લામાં બનાવી છે સુરંગ 

હિમાચલ પ્રદેશના લાહૌલ-સ્પીતી જિલ્લામાં મનાલી-લેહ હાઇવે ખૂબ ઊંચાઈ પર સ્થિત, વિશ્વની સૌથી લાંબી ટનલ બની છે. બોર્ડર રોડ ઓર્ગેનાઇઝેશન ( બીઆરઓ ) ના વરિષ્ઠ અધિકારીએ રવિવારે આ વિશે જણાવ્યું હતું.

10000 ફૂટ ઊંચે નવા કિમી લાંબી છે ટનલ 

બીઆરઓ નાં ચીફ એન્જિનિયર બ્રિગેડિયર કે પી પુરુષોત્તમને જણાવ્યું હતું કે સમુદ્ર સપાટીથી 10,000 ફુટ ઉપર લાહૌલ સ્પિતીમાં રોહતાંગ ખાતે નવ કિલોમીટર લાંબી અટલ ટનલનું વિધિવત ઉદઘાટન વડા પ્રધાન નરેન્દ્ર મોદી દ્વારા આગામી અઠવાડિયામાં કરવામાં આવશે. 

અધિકારીએ જણાવ્યું હતું કે અમે 25 સપ્ટેમ્બર પછી ગમે ત્યારે તેને ખોલવા તૈયાર છીએ. વડા પ્રધાન કદાચ આ મહિનાના અંતિમ સપ્તાહમાં અથવા આવતા મહિનાના પહેલા અઠવાડિયામાં ઉદ્ઘાટન કરશે.

ડિજિટલ ઉદ્ઘાટન કરશે પીએમ મોદી 

અધિકારીએ જણાવ્યું હતું કે આ મામલે હજુ સુધી કોઈ સત્તાવાર પુષ્ટિ થઈ નથી, તે આગામી કેટલાક દિવસોમાં મળી જશે. આ ક્ષણે તે સ્પષ્ટ નથી થયું કે કોરોના વાયરસ સંકટને કારણે તેનું ડિજિટલ ઉદ્ઘાટન કરવામાં આવશે કે કેમ. આશરે 3,500 કરોડના ખર્ચે બનાવવામાં આવેલી અટલ ટનલ સંરક્ષણની દ્રષ્ટિએ ખૂબ જ મહત્વપૂર્ણ છે.

રાજ્ય સરકારના પ્રવક્તાએ કહ્યું કે આનાથી મનાલી અને લેહ વચ્ચેનું અંતર 46 કિલોમીટર ઘટાડશે. ઉપરાંત, લાહૌલ-સ્પીતીના રહેવાસીઓને શિયાળામાં તેનો મોટો ફાયદો થશે.

તેમણે માહિતી આપી હતી કે આ ટનલ ખોલવાથી હિમાચલ પ્રદેશના લાહૌલ સ્પીતી અને લેહ-લદાખ વચ્ચેનો ઓલ-વેધર રસ્તો મળશે. શિયાળામાં ભારે બરફવર્ષાને કારણે, દેશનો આ ભાગ છ મહિના સુધી બાકીના દેશ સાથેનો સંપર્ક ગુમાવે છે.