રત્ન શાસ્ત્ર / કુંભ રાશિના જાતકો માટે આ છે સૌથી ભાગ્યશાળી રત્ન, બદલાઈ શકે છે ભાગ્ય

• કુંભ રાશિના સ્વામી છે શનિ ગ્રહ
• બધા રત્નોમાં નીલમ સૌથી શક્તિશાળી રત્ન
• નીલમ રત્ન ધારણ કરવાથી મનુષ્યના અટકેલા કામ થાય છે પૂર્ણ 

શનિને પ્રસન્ન કરવા માટે કરો નીલમ રત્ન ધારણ

કુંભ રાશિના જાતકો માટે રત્ન શાસ્ત્રમાં ઘણા રત્ન જણાવવામાં આવ્યાં છે. આ બધા રત્નોમાં નીલમ સૌથી શક્તિશાળી રત્ન છે. શનિને પ્રસન્ન કરવા માટે જ્યોતિષાચાર્ય નીલમ રત્ન ધારણ કરવાની સલાહ આપે છે. આ રત્ન ધારણ કરવાથી મનુષ્યના અટકેલા કામ પણ થવા લાગે છે.

કુંભ રાશિના પુરૂષ માટે

જ્યોતિષાચાર્ય કુંભ રાશિના પુરૂષોને જમુનિયા ધારણ કરવાની સલાહ આપે છે. આ રત્ન કુંભ રાશિના પુરૂષો માટે અત્યંત ભાગ્યશાળી માનવામાં આવે છે. જમુનિયા રત્ન ધારણ કરવાથી કુંભ રાશિના પુરૂષોની તાર્કિક ક્ષમતા અને એકાગ્રતા વધી જાય છે. આ રત્ન તેમને શાંતિપૂર્વક અને તર્કપૂર્ણ વિચારવાની ક્ષમતાને પ્રોત્સાહન આપે છે. આ રત્નને ધારણ કરવાથી મોટાભાગની શારીરીક અને માનસિક બિમારીઓમાંથી છૂટકારો મળે છે. કુંભ રાશિના જાતકોને અનિદ્રા, ચિંતા, માથાનો દુ:ખાવો જેવી બિમારીઓને દૂર કરવા માટે જમુનિયા રત્ન ધારણ કરવાની સલાહ આપવામાં આવે છે. 

કુંભ રાશિની મહિલાઓ માટે

કુંભ રાશિની મહિલાઓ માટે લીલા રંગનો રત્ન પન્ના ખૂબ ભાગ્યશાળી હોય છે. આ રત્નને ધારણ કરવાથી તેમનામાં બૌદ્ધિક ક્ષમતાનો વિકાસ ઝડપથી થવા લાગે છે. આ રત્ન પ્રેમ સંબંધોમાં ફેરફાર લાવવામાં મદદ કરે છે. આ રત્નને ધારણ કરવાથી ગર્ભવતી મહિલાઓને પ્રસુતિ પીડા દરમ્યાન થતા માનસિક તણાવમાં ઘટાડો થાય છે. આ રત્નને ધારણ કરવાથી નાણાંકીય લાભ થાય છે.