ઘટના / રામના ઉત્સવમાં રાક્ષસીઓના રોડા: વડોદરાના ભોજ ગામે રામજીની શોભાયાત્રામાં પથ્થરમારો, વીડિયો આવ્યો સામે

• પાદરાના ભોજ ગામે રામજીની શોભાયાત્રામાં પથ્થરમારો
• બે જૂથ વચ્ચે બબાલ બાદ રામયાત્રા પર પથ્થરમારો
• કેટલાક લોકો પથ્થરમારામાં થયા ઈજાગ્રસ્ત

અયોધ્યામાં ભગવાન શ્રીરામ મંદિરની પ્રાણ પ્રતિષ્ઠા કરવામાં આવતા દેશભરમાં રામમય માહોલ બની ગયો છે.  વિવિધ વિસ્તારોમાં રામ મંદિર મહોત્સવની અનોખી રીતે ઉજવણી કરવામાં આવી રહી છે. દીવડાઓ પ્રગટાવી, રંગોળી પૂરીને તો ક્યાંક શોભાયાત્રા યોજીને ભક્તિરસ સાથે રામભક્તોમાં ઉત્સાહનુ વાતાવરણ છવાયું છે. આ બધાની વચ્ચે ક્યાંક અસામાજિક તત્વોનો આતંક પણ સામે આવ્યો છે. વડોદરાના પાદરા તાલુકાના ભોજ ગામે રામજીની શોભાયાત્રામાં પથ્થરમારો થયો હતો. 

Vadodara News: વડોદરાના પાદરા તાલુકાના ભોજ ગામે રામજીની શોભાયાત્રામાં પથ્થરમારો | VTV Gujarati#vadodara #vadodarapolice #padra #ramshobhayatra #gujaratpolice #VTVGujarati pic.twitter.com/b2v02LOlzK

— VTV Gujarati News and Beyond (@VtvGujarati) January 22, 2024

બે જૂથ વચ્ચે બબાલ બાદ પથ્થરમારો
અત્રે જણાવીએ કે, વડોદરાના પાદરા તાલુકાના ભોજ ગામે રામજીની શોભાયાત્રા નીકળી હતી, તે દરમિયાન બે જૂથ વચ્ચે બબાલ થઈ હતી. જે બાદ રામયાત્રા પર પથ્થરમારો થતાં વાતાવરણ તંગ બન્યો હતો. જે પથ્થરમારામાં કેટલાક લોકો ઈજાગ્રસ્ત પણ થયા હતાં. સમગ્ર બાબતની જાણ પોલીસને થતાં પોલીસ ઘટનાસ્થળે પહોંચી હતી તેમજ પરિસ્થિત પર કાબૂ મેળવ્યો હતો. સદીઓના સંઘર્ષ બાદ પ્રભુ શ્રીરામ નિજ મંદિરમાં બિરાજમાન થતાં રામ ભક્તોમાં ઉત્સાહનુ વાતાવરણ છે તો બીજી તરફ પથ્થરમારાની ઘટના બનતા લોકોમાં રોષ પણ જોવા મળી રહ્યો છે

કોણ છે શાંતિના દુશ્મનો? વડોદરાના ભોજ ગામે રામયાત્રા પર પથ્થરમારો#vadodara #vadodaranews #gujarat #gujaratinews #vtvcard pic.twitter.com/3KYn5OlZPr

— VTV Gujarati News and Beyond (@VtvGujarati) January 22, 2024

વાંચવા જેવું: ખેરાલુ પથ્થરમારાનો ચોંકાવનારો વીડિયો: 5-7 યુવાનો સાથે મહિલાઓ પણ કરી રહી હતી રામ શોભાયાત્રા પર કાંકરીચાળો

ખેરાલુમાં પણ શોભાયાત્રા પર પથ્થરમારો થયો હતો
મહેસાણાના ખેરાલુમાં શોભાયાત્રા પર પથ્થરમારાને લઈ ખેરાલુ પોલીસ દ્વારા પથ્થરમારાને લઈ ફરિયાદ નોંધવામાં આવી હતી. ગઈકાલે સાંજે બનેલી ઘટનામાં નામજોગ 32 શખ્શો સામે ફરિયાદ નોંધવામાં આવી હતી.  આ સમગ્ર ઘટનામાં ખેરાલુ PSI  જે.કે.ગઢવી ફરિયાદી બન્યા છે. આરોપીઓએ કાવતરૂ રચીને પથ્થરમારો કર્યાનો ઉલ્લેખ કર્યો હતો. તેમજ ઘાતક હથિયારોથી હુમલો થયાનો પણ ફરિયાદમાં ઉલ્લેખ કર્યો છે. ફરિયાદી પીએસઆઈ અને અન્ય એક વ્યક્તિને પણ ઈજા પહોંચી છે.