લોકસભા ચૂંટણી 2024 / શું ગુજરાત સહિતના રાજ્યોમાં હીટવેવની થશે ચૂંટણી પર કોઇ અસર? હાલ ભારતભરમાં લૂનું જોખમ

Lok Sabha Election 2024 : લોકસભાની ચુંટણીને લઈ આવતીકાલે દેશના અનેક રાજ્યોમાં ત્રીજા તબક્કાનું મતદાન થવાનું છે. આ તરફ મે મહિનો આવતા જ ઉત્તર ભારતના ઘણા ભાગોમાંઆ વધતી ગરમીની અસરો દેખાવા લાગી છે. જોકે આવતીકાલે યોજાનાર અને બાકી રાજ્યોની ચૂંટણીના તબક્કામાં પણ ગરમીની અસર દેખાઈ શકે છે. હવામાન વિભાગે જણાવ્યું છે કે, ગ્લોબલ વોર્મિંગના કારણે જ દેશમાં હીટવેવ-લૂ ની તીવ્રતા વધી રહી છે. આ સાથે આગાહી કરાઇ છે કે, આ વર્ષે મે મહિના દરમિયાન 15 રાજ્યોમાં લૂ ફૂંકાવાના દિવસો સરેરાશથી વધુ રહેવાનું પૂર્વાનુમાન છે.

હવામાંન વિભાગના ડાયરેક્ટર જનરલ ડો.એમ મોહાપાત્રાએ કહ્યું કે, પશ્ચિમ ભારતમાં વાત કરીએ તો ગુજરાત, રાજસ્થાન, પશ્વિમી મધ્યપ્રદેશ સહિતના ક્ષેત્રોમાં મે મહિનામાં 8 થી 11 દિવસ સુધી હીટવેવ જોવા મળી શકે છે. મધ્યપ્રદેશના બાકીના હિસ્સા, ઝારખંડ, બિહાર, દિલ્હી અને પંજાબમાં જાણ ઘણીવાર 3-4 દિવસ માટે હીટવેવ રહે છે ત્યાં મે મહિનામાં પાંચથી 7 દિવસ સુધી હીટવેવ જોવા મળી શકે છે.

જાણો ચૂંટણી પર શું પડશે અસર ?

હવામાન વિભાગના ડો.એમ મોહાપાત્રાએ જણાવ્યું કે, ચૂંટણીની તૈયારીઓ માટે અમે હવામાનની માહિતી આપી હતી અને એમ પણ જણાવ્યું હતું કે, કયા દિવસે હીટવેવ હોઇ શકે છે ? અમે દરરોજ આગામી 5 દિવસના હવામાનની માહિતી ચૂંટણી પંચને આપી રહ્યા છીએ અને તેને ધ્યાનમાં રાખીને ચૂંટણીપંચ દ્વારા જરૂરી તમામ પગલાં લેવાઈ રહ્યા છે. ચૂંટણી પ્રવૃત્તિઓમાં રોકાયેલ સક્રિય લોકો પર હીટવેવની વધુ અસર થઈ શકે છે. ઉત્તર-પૂર્વ ભારતમાં પણ ભારે પવન ફૂંકાવા સાથે હીટ સ્ટ્રોકની શક્યતા વધી ગઈ છે.

વધુ વાંચો : અમદાવાદની બેઠક જે છેલ્લા 35 વર્ષથી છે ભાજપનો 'ગઢ', આવો ઇતિહાસ પર કરીએ એક નજર

હવામાન વિભાગે શું કરી અપીલ ?

હવામાન વિભાગે લોકોને હીટવેવથી બચવા માટે શક્ય હોય ત્યાં સુધી બપોરના સમયે ઘરની બહાર નીકળવાનું ટાળવા સલાહ આપી છે. આ સાથે કહ્યું કે, જો બપોરે બહાર નીકળવાનું જરૂરી હોય તો છત્રી લઈને નીકળવાનું, ઢીલાં કપડાં પહેરવાનું અને શક્ય તેટલું વધારે પાણી પીવું જોઈએ.