આફત / શાળાઓ ખુલતા જ વકર્યો કોરોના, આ સ્કૂલના 11 બાળકો એકસામટા સંક્રમિત થતા મચ્યો હાહાકાર

• કોરોનાએ મચાવ્યો હાહાકાર
• જયપુરની શાળાના 11 બાળકો એકસામટા થયાં કોરોના સંક્રમિત
• શાળા કરાઈ બંધ

મળતી વિગત પ્રમાણે, જયપુર સ્થિત જયશ્રી પેડીવાલ આંતરરાષ્ટ્રીય સ્કૂલમાં એક જ દિવસમાં 11 બાળકો કોરોનાના ભરડામાં આવતા સમગ્ર પંથકમાં ખળભળાટ મચી જવા પામ્યો હતો. હતો. જો કે, સંક્રમણ વધુ ન ફેલાય તે માટે તંત્ર દ્વારા તાબડતોબ શાળા બંધ કરવાના આદેશ આપ્યા છે. 

11 વિદ્યાર્થીઓ પોઝિટિવ આવતા મચ્યો ખળભળાટ 

જયશ્રી પેડીવાલ આંતરરાષ્ટ્રીય સ્કૂલના કોર્ડિનેટરે જણાવ્યું કે, ડે-બોર્ડિગ હોવાને કારણે સ્કૂલમાં સતત વિદ્યાર્થીઓનું ચૅકઅપ કરવામાં આવે છે, મુંબઈથી આવેલ એક વિદ્યાર્થી કોરોના પોઝિટિવ આવ્યા હતા, ત્યારબાદ સતત ટ્રેસિંગ કરવામાં આવતા અન્ય 11 બાળકો કોવિડ પોઝિટિવ નોંધાયા છે. જો કે, તાત્કાલિક અસરથી શાળા બંધ કરવામાં આવી છે. એક સામટા 11 વિદ્યાર્થીઓ કોરોનાના ભરડામાં સપડાતા વાલીઓમાં પણ ચિંતાનો માહોલ જોવા મળ્યો છે.

24 કલાકમાં આવતા કેસ ગત 543 દિવસના સૌથી ઓછા 

મંગળવારે સ્વાસ્થ્ય મંત્રાલય તરફથી જારી આંકડા અનુસાર ભારતમાં ગત 24 કલાકમાં કોરોના સંક્રમણના 7579 નવા મામલા સામે આવ્યા છે. મંત્રાલયે જાણકારી આપી છે કે આ ગત 543 દિવસમાં સૌથી ઓછા છે. ત્યારે ગત 24 કલાકમાં દેશમાં 236 લોકોના મોત થયા છે.

સોમવારે રસીકરણનો કુલ આંક 117.63ને પાર થયો 

સ્વાસ્થ્ય મંત્રાલયના આંકડા અનુસાર દેશમાં આ સમય કોરોના સંક્રમણ સક્રિય મામલા 1, 13, 584 છે. ગત 537 દિવસમાં સૌથી ઓછા છે. આ દેશમાં કુલ મામલાના 0.33 ટકા છે. ગત  24 કલાકમાં 12, 202 લોકો સાજા થયા છે. તો સોમવારે રસીકરણનો કુલ આંક 117.63ને પાર થયો છે.

મંગળવારે સવારે 7 વાગ્યા સુધીમાં દેશમાં 1,17,63,73,499 રસીના ડોઝ લાગ્યા

મંત્રાલયે કહ્યું છે કે મંગળવારે સવારે 7 વાગ્યા સુધીમાં દેશમાં 1,17,63,73,499 રસીના ડોઝ લાગ્યા છે. સોમવારે સાંજે 7 વાગે રસીના 63 લાખથી વધારે (63,98,165) ડોઝ  અપાઈ ચૂક્યા છે. કોરોનાની સામે રસીકરણ અભિયાન  ખૂબ મહત્વનું છે. જેથી તેની નિયમિત રીતે સમીક્ષા અને ઓબ્જર્વેશન કરવામાં આવી રહ્યું છે. 

એક દિવસમાં કોરોનાના 84,88 નવા મામલા

ત્યારે સોમવારે જારી આંકડા અનુસાર ભારતમાં એક દિવસમાં કોરોનાના 84,88 નવા મામલા સામે આવ્યા બાદ દેશમાં સંક્રમણની સંખ્યા વધીને 3,45,18,901 થઈ ગઈ હતી. સોમવારે જાણકારી આપવામાં આવી છે કે 538 દિવસમાં સામે આવેલા સૌથી ઓછા દૈનિક મામલા હતા.

દેશમાં શું રહી કોરોનાની સ્થિતિ

દેશમાં ગત વર્ષ 7 ઓગસ્ટે સંક્રમિતોની સંખ્યા 20 લાખ, 23 ઓગસ્ટે 30 લાખ અને 5 સપ્ટેમ્બરે 40 લાખથી વધારે થઈ ગઈ હતી. ત્યારે સંક્રમણના કુલ મામલા 16 સપ્ટેમ્બરે 50 લાખ, 28 સપ્ટેમ્બરે 60 લાખ, 11 ઓક્ટોબરે 70 લાખ, 29 ઓક્ટોબરે 80 લાખ અને 20 નવેમ્બરે 90 લાખને પાર થયા છે. દેશમાં 19 ડિસેમ્બરે આ મામલા એક કરોડને પાર , આ વર્ષે 4 મેમાં 2 કરોડને પાર અને 23 જૂને 3 કરોડને પાર ચાલ્યા ગયા હતા.