- શ્રીલંકામાં ભારત-પાકની મેચમાં વરસાદી વિઘ્ન
- વરસાદથી રમત બંધ થતાં સુધી ભારતે બનાવ્યાં 147 રન
- મેચના શરુ થવાને આધારે પાકિસ્તાનને અલગ અલગ ટાર્ગેટ મળી શકે
એશિયા કપ 2023ના સુપર-4માં કોલંબોના આર પ્રેમદાસા સ્ટેડિયમમાં ભારતીય ટીમ અને પાકિસ્તાન વચ્ચે શાનદાર મુકાબલો રમાઇ રહ્યો છે. પરંતુ વરસાદે આ મેચમાં વિઘ્ન નાંખ્યું છે. કોલંબોમાં ભારે વરસાદને કારણે મેચ રોકી દેવામાં આવી છે. પીચને કવર્સથી ઢાંકી દેવામાં આવી છે. ભારત અને પાકિસ્તાન વચ્ચેની પહેલી મેચ પણ વરસાદને કારણે ધોવાઈ હતી આને પરિણામે બન્ને ટીમને એક-એક પોઈન્ટ મળ્યો હતો. હવે ફરી વાર આવી સ્થિતિ સર્જાઈ છે.
રોહિત શર્મા અને શુભમન ગિલની 121 રનની પાર્ટનરશીપ
મેચમાં પાકિસ્તાનના કેપ્ટન બાબર આઝમે ટોસ જીતીને પ્રથમ બોલિંગ કરવાનો નિર્ણય કર્યો હતો. આ પછી ભારતીય ટીમે ઓપનિંગમાં દમદાર પ્રદર્શન કર્યું હતું. કેપ્ટન રોહિત શર્મા અને શુભમન ગિલે મળીને 121 રનની ઓપનિંગ ભાગીદારી કરી હતી.
રોહિત અને ગિલે તોફાની ફિફ્ટી ફટકારી
ભારતીય કેપ્ટન રોહિતે આ મેચમાં અડધી સદી ફટકારી હતી. તેણે 49 બોલમાં 56 રન બનાવ્યા હતા જેમાં 4 સિક્સર અને 6 ફોરનો સમાવેશ થાય છે. રોહિતે 42 બોલમાં પોતાની ફિફ્ટી ફટકારી હતી. જ્યારે શુભમન ગિલે 52 બોલમાં 58 રન કર્યા હતા. પરંતુ બંનેની ઈનિંગ બાદ વરસાદ પડતા રમત બંધ થઈ ગઈ હતી.
વરસાદથી રમત બંધ થતાં સુધી ભારતે બનાવ્યાં 147 રન
વરસાદને કારણે રમત બંધ થઈ ત્યાં સુધી ભારતીય ટીમે 2 વિકેટે 147 રન બનાવ્યા હતા. ત્યારબાદ વિરાટ કોહલી 8 રને અણનમ રહ્યો હતો અને કેએલ રાહુલે 17 રન બનાવ્યા હતા.
વરસાદના કારણે ગેમ નહીં યોજાય તો શું થશે?
હવે ફેન્સના મનમાં સવાલ ચોક્કસથી થશે કે વરસાદના કારણે ગેમ નહીં યોજાય તો શું થશે? બીજું એ કે જો વરસાદ મોડેથી અટકે અને ભારતની ઇનિંગ્સ ન થાય તો પાકિસ્તાનને કેટલી ઓવરમાં કેટલો ટાર્ગેટ મળશે.
મેચ રિઝર્વ ડેમાં પણ યોજાઈ શકે
જો આજે વરસાદ બંધ નહીં થાય તો બીજા દિવસે રિઝર્વ ડેના દિવસે મેચ યોજાશે. હકીકતમાં એશિયન ક્રિકેટ કાઉન્સિલ (એસીસી)એ ફાઇનલ ઉપરાંત ભારત-પાકિસ્તાનની મેચ માટે રિઝર્વ-ડે રાખ્યો છે. આવી સ્થિતિમાં, ચાહકોએ નિરાશ થવાની જરૂર નથી. ગ્રુપ સ્ટેજમાં ભારત અને પાકિસ્તાન વચ્ચે એક મેચ હતી, જેને વરસાદના કારણે રદ્દ કરવી પડી હતી.
જો આજે (10 સપ્ટેમ્બર) વરસાદ થોડો મોડો અટકે છે, તો તે સ્થિતિમાં ભારતીય ટીમને બેટિંગ કરવા દેવામાં આવશે નહીં. તેમજ સમય પ્રમાણે વરસાદ અટકે ત્યારે 20થી 24 ઓવર રમી શકાય છે. એવામાં પાકિસ્તાની ટીમને અલગ-અલગ ઓવરના મામલે ટાર્ગેટ મળી શકે છે.
પાકિસ્તાનને કેટલો ટાર્ગેટ મળી શકે
20 ઓવરમાં -181 રન ટાર્ગેટ
21 ઓવરમાં- 187 રન ટાર્ગેટ
22 ઓવરમાં-194 રન ટાર્ગેટ
23 ઓવરમાં 200 રનનો ટાર્ગેટ
24 ઓવરમાં 206 રનનો ટાર્ગેટ
ભારત-પાકિસ્તાનની પ્લેઈંગ ઈલેવન
ભારત: રોહિત શર્મા (કેપ્ટન), શુભમન ગિલ, વિરાટ કોહલી, કેએલ રાહુલ, ઇશાન કિશન (વિકેટકીપર), હાર્દિક પંડ્યા, રવિન્દ્ર જાડેજા, શાર્દુલ ઠાકુર, કુલદીપ યાદવ, જસપ્રીત બુમરાહ, મોહમ્મદ સિરાજ
પાકિસ્તાનની ટીમ : ફખર ઝમાન, ઇમામ-ઉલ-હક, બાબર આઝમ (કેપ્ટન), મોહમ્મદ રિઝવાન (વિકેટકીપર), આગા સલમાન, ઇફ્તિખાર અહમદ, શાદાબ ખાન, ફહીમ અશરફ, શાહીન આફ્રિદી, નસીમ શાહ, હરીસ રઉફ.
