નર્સિંગ પોડ / હવે રેલવે સ્ટેશનો પર મહિલાઓએ બાળકને બ્રેસ્ટ ફીડિંગ માટે આમતેમ નહીં ભટકવું પડે, અપાશે આ સુવિધા

• રેલવેએ ધાત્રી માતાઓ માટે ખાસ પ્રકારની વ્યવસ્થા કરી
• મહિલાઓને કોઈપણ પ્રકારની પરેશાની ના થાય તે માટે વ્યવસ્થા
• બ્રેસ્ટ ફીડિંગ કરાવવા માટે આમથી તેમ ભટકવું નહીં પડે

ટ્રેનમાં સફર કરતી મહિલાઓએ રેલવે સ્ટેશન પર બાળકોને બ્રેસ્ટ ફીડિંગ કરાવવા માટે આમથી તેમ ભટકવું નહીં પડે. રેલવે ધાત્રી માતાઓ માટે ખાસ પ્રકારની વ્યવસ્થા કરી રહ્યું છે, જેથી મહિલાઓને કોઈપણ પ્રકારની પરેશાની ના થાય. કેટલાક રેલવે સ્ટેશન પર આ કામની શરૂઆત કરવામાં આવી છે. રેલવે અધિકારીઓ અનુસાર આ કામને સારો પ્રતિભાવ મળશે તો મુખ્ય રેલવે સ્ટેશન પર આ પ્રકારની વ્યવસ્થા કરવામાં આવશે. 

રેલવે મંત્રાલય અનુસાર મુંબઈ ડિવીઝનથી બાળકોને બ્રેસ્ટ ફીંડિંગ કરાવવા માટે નર્સિંગ પોડની શરૂઆત થઈ ગઈ છે. મધ્ય રેલવેના મુંબઈ ડિવીઝનના સાત મુખ્ય સ્ટેશન પર 13 બ્રેસ્ટ ફીંડિંગ રૂમ બનાવવામાં આવ્યા છે. જેને સ્ટેટ ઓફ ધ આર્ટ નર્સિંગ પોડ નામ આપવામાં આવ્યું છે. આ પોડ સીએસએમટી, દાદર, લોકમાન્ય તિલક ટર્મિનસ, થાણે, કલ્યાણ, પનવેલ અને લોનાવાલામાં બનાવવામાં આવ્યા છે. લોનાવાલામાં બે પોડ બનાવવામાં આવશે. 

આ પોડ નેશનલ એનીસિએટીવ ફોર ફીડિંગ એન્ડ રેસ્ટિંગ ઈન્ફ્રાસ્ટ્રક્ચર ફોર સ્ટેશન (NINFRIS) પોલિસી હેઠળ બનાવવામાં આવ્યા છે. રેલવે મંત્રાલય અનુસાર મુંબઈથી નર્સિંગ પોડની શરૂઆત કરવાનો ઉદ્દેશ્ય 35 લાખ લોકોને સુવિધા આપવાનો છે. સેન્ટ્રલ રેલવે સ્ટેશનો પર દરરોજ અંદાજે 35 લોકો સફર કરે છે. 

35 લાખ મુસાફરોમાં 20 ટકા મહિલાઓ હોય છે. રેલવે અધિકારીઓ અનુસાર બ્રેસ્ટ ફીડિંગ રૂમ બનાવીને પ્રયોગ કરવામાં આવ્યો છે. આ રેલવે સ્ટેશન પર નર્સિંગ પોડને સારો રિસ્પોન્સ મળશે તો અન્ય મુખ્ય સ્ટેશન પર પણ આ પ્રકારની વ્યવસ્થા કરવામાં આવશે.