મોકૂફ / રાહુલ ગાંધીનો ગુજરાત પ્રવાસ મોકૂફ : 1 મેના રોજ દાહોદ આદિવાસી રેલીને લઇને ગુજરાત કોંગ્રેસે આપ્યું હતું આમંત્રણ

• કોંગ્રેસ નેતા રાહુલ ગાંધીનો ગુજરાત પ્રવાસ મોકુફ
• ગુજરાતના સ્થાપના દિવસ નિમિત્તે ગુજરાત કોંગ્રેસ આપ્યું હતું આમંત્રણ
• 1 મેના દાહોદ ખાતે આદિવાસી રેલીમાં આપ્યું હતું આમંત્રણ 

 ગુજરાત વિધાનસભાની ચૂંટણીને લઇને ભાજપના દિગ્ગજો એક બાદ એક ગુજરાત પ્રવાસે આવી રહ્યા છે. તો આ તરફ કોંગ્રેસ નેતા રાહુલ ગાંધી પણ 1લીમેના રોજ ગુજરાત આવવાના હતા પરંતુ હવે તેમનો ગુજરાત પ્રવાસ હાલ પૂરતો મોકૂફ રહ્યો છે. મહત્વનું છે કે  ગુજરાતના સ્થાપના દિવસ નિમિત્તે ગુજરાત કોંગ્રેસ દ્વારા રાહુલ ગાંધીને ગુજરાત આવવા માટે આમંત્રણ આપવામાં આવ્યું હતું. 

આદિવાસી અધિકાર યાત્રાની શરુઆત કરાવવાના હતા

1 મે એટલે કે ગુજરાતના સ્થાપના દિવસે રાહુલ ગાંધી ગુજરાતના પ્રવાસે આવવાના હતા.  આ પ્રવાસ દરમિયાન દાહોદથી આદિવાસી અધિકાર યાત્રાની શરૂઆત કરાવવાના હતા. . 2022ની ચૂંટણીના અનુસંધાને કોંગ્રેસ આદિવાસી અધિકાર યાત્રા યોજાવાની હતી.. આ યાત્રાને લઇને દાહોદમાં કોંગ્રેસના આદિવાસી ધારાસભ્યો દ્વારા બેઠકનુ પણ આયોજન કરવામાં આવ્યુ હતું..  જો કે 1 મેનો પ્રવાસ ભલે કેન્સલ થયો પરંતુ આગામી 12 જૂનના રોજ બારડોલી સત્યાગ્રહના દિવસે પણ રાહુલ ગાંધી ગુજરાતમાં આવશે અને  સભાને પણ સંબોધશે.

1મેના રોજ રાજકીય દિગ્ગજો આવશે ગુજરાત

1 મેના ગુજરાત સ્થાપના દિવસ છે. આ દિવસની ઉજવણીના ભાગરુપે વિવિધ કાર્યક્રમોનું આયોજન કરવામાં આવ્યું છે. આ પ્રસંગે ઉજવણીમાં ભાગ લેવા ભાજપના રાષ્ટ્રીય અધ્યક્ષ ખાસ ઉપસ્થિત રહેશે. તેઓ પાટણ ખાતેના સરકારી કાર્યક્રમમાં હાજરી આપશે. આ ઉપરાંત દિલ્લીના મુખ્યમંત્રી અને આમ આદમી પાર્ટીના સુપ્રિમો અરવિંદ કેજરીવાલ ફરી એકવાર ગુજરાતની મુલાકાતે  આવશે. 1લી મેના રોજ ગુજરાતનો સ્થાપના દિવસ નિમિત્તે તેઓ  ગુજરાતના પ્રવાસે આવશે. કેજરીવાલ ગુજરાત આવીને સૌરાષ્ટ્ર અથવા તો દક્ષિણ ગુજરાતમાં પ્રવાસ કરશે તેવી શક્યતાઓ છે,,,કેજરીવાલ જ્યારે ગુજરાત આવશે ત્યારે જનસભાને પણ સંબોધિત કરશે.